DJONDZO 10

Kucincacinca Rito

Swivuriso 8:4, 7

U FANELE U YENDLA YINI? Hlamusela mhaka hi ndlela leyi twisisekaka naswona kombisa mintlhaveko hi kucincacinca mpfumawulo wa rito la wena, rivilo ni ntikelo wa rito la wena.

UNGASWI YENDLISA KUYINI?

Cincacinca rito. Yengetela mpfumawulo wa rito la wena leswaku u kandzihisa timhakankulo ni leswaku u khutaza vayingiseli va wena. Yendla hilaha kufanaka loko u li karhi u lerha rungula la wuyavanyisi. Yehlisa mpfumawulo wa rito la wena leswaku u kombisa kuchava kumbe kuvilela.

Unga yengeteli mpfumawulo wa rito la wena kutlula mpimo hikusa vayingiseli va wena vata titwa ingi hova bongela. Papalata kukokela yingiso ka wena n’winyi hi kucincacinca rito kutlula mpimo.
Cincacinca rivilo la rito la wena. Loko swi pfumeleliwa ka lirimi la wena, yengetela rivilo la rito la wena leswaku u kombisa kuhiseka, mpimo wokarhi kumbe mpfhuka. Yehlisa rivilo la rito la wena leswaku u kombisa kukarhateka kumbe kuvilela.
Cincacinca rito la wena hi kuya hi ntikelo wa mhaka. Vulavula hi kuhatlisa loko u vulavula hi mhaka leyi tsakisaka. Vulavula ha hombe nyana loko u sungula kuvulavula hi timhaka ta lisima.

Unga cinci ntikelo wa rito la wena hi xitshuketa leswaku unga dzukisi vayingiseli va wena. Unga hatlisi hintamu loko u vulavula hikusa rito la wena lingata huma kahle.