XIPHEMU 7
I Mani Yesu?
Yehovha a rhumele Yesu amisaveni. 1 Yohani 4:9
Na Xikwembu xi nga se yendla Adamu, xi rhange xi yendla ntsumi ya matimba swinene atilweni. Loko hi lava ku tsakisa Xikwembu, hi fanele hi yingisa ntsumi leyi.
Hi ku famba ka nkama, Xikwembu xi tirhise matimba ya xona xi yendla leswaku ntsumi leyi yi psaliwa tanihi munhu wa nyama aBetlehema hi wansati lweyi a a vitaniwa swa ku i Mariya, n’wana lweyi a nga psaliwa va mu chule swaku i Yesu. — Yohani 6:38.
Nkama na a li lani misaveni, Yesu a kombise wumunhu la Xikwembu hi ndlela ya ku hetiseka. A a ni wunene, lirhandzu naswona a a ngheneka. Na a nga chavi nchumu a djondzise vanhu hi Yehovha.
Yesu a nyenyiwile hambileswi a a yendla swilo swaswinene. 1 Pedru 2:21-24
Vafundhisi a va mu nyenya Yesu hi mhaka leswi a a byela vanhu hi mavunhwa lawa a va ma djondzisa ni mintirho ya vona ya ku biha.
Naswona Yesu a hanyise lava a va vabya ni ku pfuxa van’wani lava a va file.
Vafundhisi va vule mavunhwa hi Yesu ka tihosi ta Varoma leswaku va kota ku mu dlaya.