Hi Nga Swi Tirhisisa Ku Yini Swikombiso Swa Mabulu?

Phela vamakwerhu va tirha hi matimba swaku va yentxa swikombiso swa mabulu, funtshi vachumayeli va vanyingi va hlaya swaku a swikombiso leswi swa va pfuna nsin’wini. Leswi swiyimu swa vona swi kalaka swi nga fani amisaveni hinkwayu, loko va chumayela va tirhisa swikombiso swa mabulu swa ku hambana swaku va sungula mabulu. I ntiyiso swaku loko ku ni kampanya la ku hlawuleka, hinkwerhu hi fanele hi chumayela hi ndlela ya ku fana. Xa lisima hintamu ka hina i ku chumayela mahungu ya ku tsakisa ya Mfumu. — Mt 24:14.

Loko va lunghiselela xiyenge xa switudanti xa mintlhanganu ya xikarhi ka vhiki, vachumayeli va fanele va tirhisa swikombiso swa mabulu leswi nga ka Xibukwana Xa Mintlhanganu Ya Mahanyelo Ni Ntirho Wa Hina. Va nga ha txintxa swivutiso ni ndzimana va swi twananisa ni lomu va tshamaka kona. Mayentxelo lawa ma txintxa leswi nga tsaliwa ka xibukwana xa mintlhanganu xa Junho wa 2020 ka pajina 8.