KURHAMARHIKUA 6
¿Ambe uandaspia Biblia Mesiasiri ambe?
PROFESIA
“Oh Beleni Efrata [...], tʼungini jimbo uéraati ima enga niáraaka Israeliri juramutini.”
(Miqueas 5:2)
NA ENGA ÚKUARHIKA
“Ka enga Jesusi kánguarhinhapka ireta Beleni estado de Judea, enga rei Erodisi juramutipka, niárasptiksï Jerusaleni máru jorhenaticha engaksï jurhiata uérakuarhisï uératini jupka.”
PROFESIA
“Arhukukuarhiatiksï juchiti xukuparhakuani, ka suertiksï uáti juchiti xukuparhakuani.”
(Salmo 22:18)
NA ENGA ÚKUARHIKA
“Engaksï sondaduecha kʼamakupkia cháparhatani Jesusini, luejkuksï tarhataaspti imeri xukuparhakuechani ka arhukuasptiksï tʼapuru [...]. Peru anhanhikuani, nóksï arhukutsperaspti jimboka ima no nani sïrikukatespka sino iámindu májku úkatespti. Ísï jimbo arhijperasptiksï: ‘Ju je no arhukuni indeni, sino mejorichi suerti uáka aberi néni tokaria’.”
PROFESIA
“[Tata Diosï] kuájchakuxati iámindu imeri únichani; nóksï ma kuarhakukusti.”
(Salmo 34:20)
NA ENGA ÚKUARHIKA
“Peru engaksï nípka andarhierani Jesusini, exesptiksï eska ima tʼuini uarhispkia, ka nóksï kuarhandukuspti.”
PROFESIA
“Pʼorhonhastiksï juchari pekaduechani jimbo.”
(Isaías 53:5)
NA ENGA ÚKUARHIKA
“Peru ma sondadu pʼorhonhaspti ma lansa jimbo ka luejku uénhispti iurhiri ka itsï.”
PROFESIA
“Ka meiampisptiksï juchiti andakuani, treinta piesa plateri.”
(Zacarías 11:12, 13)
NA ENGA ÚKUARHIKA
“Ima jorhenguarhiti enga arhikuarhipka Júdasï Iskarioti enga tambientu kuentukatepka dose jorhenguarhitichani jingoni, niraspti andarhierani kʼérati tata kurechani, ka arhiaspti: ‘¿Ambejtsïni uékasïni íntskuni ka jíksïni entregariaka?’. Ka imaksï eiakuspti treinta pesu [plateri].”