KURHAMARHIKUA 7
¿Ambeksï uandasïni i jurhiatikuecheri Bibliarhu anapu profesiecha?
“Ma nasioni anapuecha jauaraa[ti] paraksï uarhiperani máteru nasioni anapuechani jingoni [...]. Ka ini ambe jimbo uénati no sési úkuarhinchani kʼuiripuecha.”
“Ka uánikua uandajtsïkpiti kʼarhapiticha jauati ka uánikua kʼuiripuechani kʼarhauatiksï, ka enga xáni kánikua pekadu jauaka, uánikua kʼuiripuecha úndaati nóteru uékperani.”
“Engajtsï kurhandiaka eska guerra jarhaxaka o iátiru uandanhani guerreri ambe, asï jáma je chérakuarhini, jimboka uétarhisïnga eska iámindu i ambe úkuarhiaka, peru útasï nótki kʼamaraati parhakpini.”
“Kʼérati jencheati, ka uápuru jauati kʼarhingua ka pʼamenchakua, ka chérpikueni jásï ambe xarharaati auandarhu ka ístu kʼérati míndecha.”
“Últimu jurhiatikuechani jimbo jaua[ti] peligru, jimboka jimajkanisï anapu kʼuiripuecha solu pendienti pákuarhia[ti] para imechajkumindu sési uérani ka jukari jatsikuarhikuekanksï, ka teparakuarhinksï, ka kʼéri ambe exekuarhinksï, ka no sési arhinksï [Tata] Diosïni, ka nóksï janhanharhiani tátembechani, ka nóksï agradeseritspini ka niksï janhanharhini [Tata] Diosïni. Nóksï uéauati imecheri kʼumanchikuarhu anapuechani ka parientembechani, sino kurhurasïnksï ka uandatspinksï jámani, ka no ma ambe jimboksï pʼíngukuarhiati, sino no sési kámpinksï ka nóminduksï jeiapanhintani ambakiti ambe Amiguembechanksï entregarpiauati, ka sóntku únksï ambe enga imechajkumindu tantiariaka, ka uéki jimboksï teparakuarhini, ka sánderuksï uékaati tsípikuarhini pekaduni jimbo ka eska [Tata] Diosïni uékani. Ísïksï jámaati enajkiksï janhanharhia [Tata] Diosïni, peru mintsitarhu nóminduksï janhanharhiati.”