KURHAMARHIKUA 17
¿Néna uá sési irekani juchari familia?
ACHATICHA/TÁTICHA
“Ístu uétarhisïndi eskaksï achaticha uéauaka imeri uarhiitichani eska imechajkumindu na uékakuarhijka. Ima enga uékajka imeri uarhiitini, jandiajkumindusï uékakuarhijti. Ka no nema jarhasti enga no exenchajka imeri mísmu kuerpuni, sino mejori sési tʼirerasïndi ka kuidarini.” “Uéa je chári uarhiitichani komueska chájkumindu na uékakuarhijka.”
“Achaticha, asï ikiata je chári uátsïtichani, sino kʼuiripera je janhanharhikua jingoni, arhistakuaparini juchari Tatani [Jeobani] jimbo.”
UARHIITICHA
“Ka ístu uarhiiticha janhanharhiaueksï imeri achatichani.”
“Uarhiiticha, janhanharhia je chári achatichani eska na terokuntajka juchari Tatani japarini.”
SAPIICHA
“Sapiicha, janhanharhia je chári tátichani juchari Tatani jimbo, jimboka ísï jurhimbikueska. Janhanharhi chíti tátini ka chíti nándini, jimboka i jindeska primeru mandamientu enga aiatsperakua jingonika, parakari sési nitamaaka ka ini parhakpinirhu ióni irekandi.”
“Sapiicha, janhanharhia je chári tátichani, jimboka inde jindeska enga juchari Tata jeiapanhintajka.”