¿Nénachi uá sánderu andarherani Tata Diosïni?

“Oh, tʼu engari kurhauajka kómarhikuechani, iámindu jásï kʼuiripuechaksïni juuati andarherani.”

(Salmo 65:2)

“Mintsika Jeobani iámu chíti mintsitani jingoni, ka asï mintsika chíti eratsikuani. Iámindu ambe engari uáka, ú imani eratsiparini, ka ima jurhimberaauati chíti xanharuechani.”

(Proverbios 3:5, 6)

“Ka i jindesti tsípikua para méntkisï, eskaksïni mítiaka tʼunksïni engari tʼujku jindeka Diosï engari sési jimboeka, ka ístu Jesukristuni engari tʼu axaka.”

(Juanu 17:3)

“[Tata] Diosï [...] no iauani ja[rhasti] chánksïni jingoni.”

(Ukuecha 17:27)

“Para eskajtsï jámaaka eska na terokuntajka para kʼéri ambe arhini juchari Tatani, ka parajtsï iámindu ambe jimbo jeiapanhitarantani ka xarhatantsï frutu enga jindeka iámindu ambe jásï ambakiti úkua, ka méntku jauenantsï jarhani sánderu ka sánderu mítini [Tata] Diosïni.”

(Kolosasi 1:10)

“Enga nema kueratajka jánhaskani ambe, kómarhie [Tata] Diosïni eska jánhastaaka ka ima ísï uáti, jimboka ima tsípikua jingoni jánhastaasïnga iáminduechani.”

(Santiagu 1:5)

“Andarhiera je [Tata] Diosïni, ka imajtuksïni andarhieraati chánksïni. Cha engajtsï pekadorika, pímbinhajkuanta je chári jájkichani, ka cha engajtsï tsimani mintsita jingoni jámajka, pímbinhajkuanta je chári mintsitechani.”

(Santiagu 4:8)

“Jimboka para [Tata] Diosïni uékani, jindes[ti] eskachi uáka eska imajtsïni na juramuchijka, ka no kʼuetsapiti ambesti engajtsïni ima juramuchijka.”

(1 Juanu 5:3)