Jorhenguarhikua 13
Cha néna uá exentani jurhimbiti religiónini
¿Tatá Diosï jiókuarhiasïni iámindu religiónichani, o máechakuajku? (1)
¿Andisïksï xáni uánikua religiónicha uandajki eskaksï kristianuecheska? (2)
¿Cha néna uá mítiantani sési jimbo kristianuechani? (3-7)
1. Jesúsi máechakuajku religióni kristianani uaxastaspti enga jurhimbitika. Ísï jimbo, iásï jatsisti para máechakuajku kúnguarhikua jarhani enga jurhimbikua jingoni kómarhijka Tatá Jeobáni (Juanu 4:23, 24; Efesu 4:4, 5). Biblia jorhentpesïndi eskaksï namunitueska engaksï jámani jaka indeni xanharuni jimbo enga no kórurhaka ka enga tsípekuarhu pájpijka (Mateu 7:13, 14).
2. Biblia uandaspti eska tátsekua engaksï apóstulicha uarhipiringa, sánhani sánhani inchakupiringa kristianuecheri kúnguarhikuarhu, jorhentpekuecha ka úkuecha enga Jesúkristu no jorhentpiapka. Japirindiksï kʼuiripuecha engaksï jakajkutichani, támu ísï jánhastapiringa parakaksï jarharepiringa Kristuni (Mateu 7:15, 21-23; Ukuecha 20:29, 30). Ísï jimbosï, xáni mámaru járhati religiónicha jati, engaksï uandajka eskaksï kristianuecheska. ¿Jucha néna uá mítiantani sési jimbo kristianuechani?
3. Ambe engaksï sánderu xarhatajka sési jimbo kristianuecha, jindesti uékperakua engaksï mintsita jingoni xarhatajka máteru ka máteruni jingoni (Juanu 13:34, 35). Nóksï jorhendanhasti kʼéri ambe exekuarhini imechani jingoni engaksï no májkueni kolorika. Níjtuksï jorhendanha ikiakuani kʼuiripu támu ísï anapuechani (Ukuecha 10:34, 35). Ísï jimbosïksï no nirajti uarhiperakuecharhu. Sési jimbo kristianuecha ísïksï kámberasïndi eska márku kʼumanchikuarhu anapuecha (1 Juanu 4:20, 21).
4. Máteru ambe enga jimbo mítekuarhintajka jurhimbiti religióni, jindesti jimbokaksï kánikua janhanharhikua xarhatakusïnga Bibliani. Jiókuarhisïndiksï eska Tatá Diosïri Uandakueska ka jakajkusïndiksï ambe enga jimini arhijka (Juanu 17:17; 2 Timoteo 3:16, 17). Para imecha, sánderu jukaparhakuesti Tatá Diosïri Uandakua ka eska kʼuiripueri eratsikuecha o pʼindekuecha (Mateu 15:1-3, 7-9). Jánguarhintasïndiksï méntkisï ísï irékani eska Biblia ná arhijka. Ísï jimbo nóksï eianhpesïndi ma ambe, ka tátsekua máteru ambe úni (Titu 1:15, 16).
5. Engaksï jurhimbiti religiónirhu jaka, ístuksï jatsisti para janhanharhini Tatá Diosïri arhinhakuani (Mateu 6:9). Jesúsi jorhentpespti Tatá Diosïri arhinhakuani, enga jindeka Jeobá, ka sési jimbo kristianuecha imajtuksï jatsisti para májkueni úni (Juanu 17:6, 26; Roma 10:13, 14). ¿Néksï jindeski engaksï eianhpijka Tatá Diosïri arhinhakuani chári irétarhu?
6. Sési jimbo kristianuecha jatsistiksï para eianhpini Tatá Diosïri Juramukuani. Jesúsi ísï úspti, ima méntkisï uándantasïremdi Tatá Diosïri Juramukueri ambe (Lukasʌ 8:1). Ístu, juramukuasti imeri chúxapatichani eskaksï eianhpipiringa imani eianhperakuani iámindu parhakpinirhu (Mateu 24:14; 28:19, 20). Sési jimbo kristianuecha jakajkusïndiksï eska Tatá Diosïri Juramukuani jimbojku, uáka sési irénhani ka pínandikua jarhani ixu parhakpinirhu (Salmo 146:3-5).
7. Jesúsiri chúxapaticha nóksï íni parhakpinirhu anapuesti enga xáni no sési jásï ambe únhajka (Juanu 17:16). Nóksï jámasïndi politikari ísï, níjtuksï inchakurajki uarhiperakuecharhu. Kéndikukusïndiksï no sési jánguani, no sési járhati úkuechani ka no sési járhati eratsikuechani, engaksï xáni xarharajka ixu parhakpinirhu (Santiagu 1:27; 4:4). ¿Cha mítiski ma religiónini chári irétarhu, engaksï májkueni úni jaka, eska sési jimbo kristianuecha?
[Ilustrasioni pájina 27 anapu]
Sési jimbo kristianuecha uékperasïndiksï, janhanharhisïndiksï Bibliani ka eianhpesïndiksï Tatá Diosïri Juramukuani