¡Sesi jándekua janoxatiia!

Iámindu no sesi jasï ambe enga parhakpinirhu nitamani jaka, xarhatasïndi eska sesi jándekua janoxaka. Biblia uandaspti eska jucha exepiringa jurhiatikuechani engaksï kánikua no sesi janhaskuarepiringa, enga janoni japirinkia sesi jandikua. Jucha irékaxaka indeni jurhiatikuechani jimbo. Ju je exeani máru ambe enga Biblia uandapka eskaksï úkuarhini japiringa:

Kʼérati uarhiperakuecha. «Jimbokaksï ma nasioni anapuecha jauaraka paraksï uarhiperani máteru nasioni anapuechani jingoni, ka istu ma juramukuarhu anapuecha máteru juramukuarhu anapuechani jingoni.» (Mateu 24:7.) Inde ambe úkuarhispti eska na uandakata japka. Jima uératini 1914 jimbo, jarhasptiksï tsimani kʼérati uarhiperakuecha iámindu parhakpinirhu ka uánikua máteru sapirati uarhiperakuecha. Milloni jimboksï kʼuiripuecha uarhispti imani uarhiperakuechani jimbo.

Pʼamenchakuecha engaksï iápuru etsakurikia. «Ka iápuru jauati [...] pʼamenchakua.» (Lukasʌ 21:11.) ¿Úkuarhixaki inde ambe? Jo. Mintsitarhu anapu pʼamenchakuecha, kánseri, tuberkulosisi, diabetisi, sida ka máteru jasï pʼamenchakuecha enga milloni jimbo kʼuiripuechani uándikuakia.

Kʼarhingua. Iápuru parhakpinirhu jarhastiksï kʼuiripuecha engaksï no andangutajka tʼirekuani. Mándani uéxurini, milloni jimboksï kʼuiripuecha uarhixati kʼarhinguani jimbo. Ari jindesti máteru minda eska nóteru ióni kueratasïnkia para sesi jándintani ixu parhakpinirhu. Biblia uandasïndi eska naninterkisï kʼaringua japiringa (Markusʌ 13:8).

Jenchekuecha. «Ka naninterkisï jencheati.» (Mateu 24:7.) Ari ambejtu úkuarhixati juchari jurhiatikuechani jimbo. Jukari ma milloni kʼuiripuechaksï uarhistia jenchekuechani jimbo, 1914 jimbo uératini.

Kʼuiripu no sesi úricha. Kʼuiripuecha sánderu uandanhiauati para imechajkumindu ka sánderuksï uékati tuminani ka tsïpikuarheni pekaduni jimbo ka eska Diosinï uékani. Ka uájpecha noksï kurhajchauati tátembechani (2 Timoteo 3:1-5). ¿Nojtsï isï exesïni eska iásï jarhaska uánikua xárati kʼuiripuecha? Noksï janhanharhisïndi Tatá Diosïni ka nijtuksï jiáratajki imechani engaksï uéjka jorhenguarhini imeri ambe.

Úkuecha engaksï kánikua no sesi járhatika. Istu jauati «kánikua pekadu» (Mateu 24:12). ¿No isïski eska no sesi úkua ambe, sánderu kánipaxaka eska máteru uéxurinichani jimbo enga nitamakia? Nani uéjki isï, kʼuiripuecha chésïndi eska nema sïpakuauaka, noksï sesi úkuauaka o chikuanderakuauaka.

Iámindu ari ambe xarhatasïndi eska Tatá Diosïri Juramukua axuterku jarhaskia. Biblia uandasïndi: «Ekajtsï exeaka eska úkuarhini jauakia i ambe, míti je eska Diosïri juramukua janoxamkia» (Lukasʌ 21:31). Joperu ¿ambeski Tatá Diosïri Juramukua? Jindesti auandarhu anapu Tatá Diosïri juramukua enga sesi jántskantaka ixu parakpinirhu. Kénditauati iámindu juramuti parhakpinirhu anapuechani ka imaterku juramuatia (Mateu 6:10).