Ióntki anapu ambe engajtsïni aiangujka ambe ma

Tatá Jeobá no jurajkuati eskaksï no sesi úricha xerhentaka sesi jándekuani. Tatá Diosïri pʼíchpirichajkuksï irékati sesi jándekuarhu. ¿Ambeksï úkuarhincha kʼuiripu no sesi úricha? Para uni míteni, ju je exeni Noéri irékakuani. Uánikua uéxurini nitamastia enga Noé irékapka, ambakiti achati maespti enga méntkisï kánikua jánguarhintapka, uni ambe enga Tatá Jeobá uékenga. Joperu máteru kʼuiripuecha kánikua no sesi jasï ambe úsïremdiksï. Isï jimbo, Tatá Jeobá aianhguspti Noéni, eska ima juápiringa kʼéri janikua ma, para kʼamajkuani iámindu no sesi úrichani. Ka juramukuspti eska úpiringa arka ma, paraka ima ka imeri kʼumanchikuarhu anapuecha no uarhipiringa enga janopirhinga kʼéri janikua (Génesis 6:9-18).

Noé ka imeri kʼumanchikuarhu anapuecha úsptiksï arkani. Noé aianhguaspti kʼuiripuechani eska kʼéri janikua ma jupiringa, joperu no nema kurhajchaspti. Chúngumasptiksï no sesi jasï ambe uni. Enga Noé kʼamakupka uni arkani, incharaspti animalichani, ka tátsekua inchaspti ima ka imeri kʼumanchikuarhu anapuecha. Jimajkani, Tatá Jeobá juáspti kʼéri janikua ma. Janispti tsimani ekuatsi jurhiatikua ka tsimani ekuatsi chúrekua, ka itsï ójchakuraspti iámindu echerini (Génesis 7:7-12).

No sesi úricha uarhisptiksï, joperu Noé ka imeri kʼumanchikuarhu anapuecha tsípiti pakarasptiksï. Tatá Jeobá kuajpiantaspti kʼéri janikuarhu ka péeraspti echeri ma jimbo, enga no japka no sesi jasï ambe (Génesis 7:22, 23). Biblia uandasïndi eska ménderu niáraka jurhiatikua enga Tatá Jeobá kʼamajkuauaka imechani engaksï no uéjka uni, ambe enga jurhimbikueka. Kʼuiripu sesi úricha noksï kʼamajkunhati. Irékatiksï para méntkisï echerirhu enga sesi jándentakia (2 Pedru 2:5, 6, 9).

Iasï, uánikua kʼuiripu no sesi jasï ambe úsïndi. Parhakpinirhu uánikua uandanhiata ambe jarhasti. Tatá Jeobá axaasïndi mémindu uéntani imechani engaksï imeri ambe uandantajka para aianhguani kʼuiripuechani, joperu uánikuaksï no uékasïndi uni ambe enga Tatá Jeobá uandajka. Noksï uékasïndi mójtakuni na engaksï irékajka, nijtuksï uéjki eska Tatá Diosï arhiauaka ambe enga sésika ka ambe enga no sésika. ¿Ambeksï úkuarhincha indecha? ¿Mójtakurhiaksï ménisï? Uánikuaksï no méni mójtakurhiati. Nóteru ióni jimbo no sesi úricha kʼamajkunhati para méntkisï (Salmo 92:7).

Echeri no kʼamajkunhati; niárati sesi jándintani. Engaksï Tatá Diosïri pʼíchpiri úkurhiaka, irékatiksï para méntkisï sesi jándekuarhu, ixu parhakpinirhu (Mateu 5:5).