¿Néksï jindeski Tatá Diosïri ikiatspiticha?

Sánderu kʼéri ikiatspiti Tatá Diosïri, jindesti Satanasi enga Noambakitika. Ima, anjili maesti, enga no kurhajchapka Tatá Diosïni. Satanasi chúngumaxati uarhiperani Tatá Diosïni jingoni, ka úxati eskaksï kʼuiripuecha uánikua uandanhiatechani jatsiauaka. Satanasi kánikua no ambakisti, chikuandera ka uándikpiri ma (Juanu 8:44).

Máteru anjilichajtuksï chúngumasti Satanasini enga ima no kurhajchapka Tatá Diosïni. Biblia arhiasïndi demoniuecha. Májkueni eska Satanasi, demoniuechajtuksï kurhunhiasïndi kʼuiripuechani ka tsípisïndiksï no sesi úkuani (Mateu 9:32, 33; 12:22). Tatá Jeobá kʼamajkuauati para méntkisï Satanasini ka imeri demoniuechani, nóteru ióni pakarakuasïndia paraksï kʼuiripuechani no sesi úkuani (Jaŋaskuecha 12:12).

Enga jucha uéjka jindéni Tatá Diosïri pʼíchpirini, jucha no uáka ambe enga Satanasi uéjka. Satanasi ka imeri demoniuecha, ikiakusïndiksï ka kurhunhesïndiksï Tatá Jeobáni ka uékasïndiksï eska juchajtu, Tatá Diosïri ikiatspiti úkuariaka. Isï jimbo, jucha jatsiska para erakukuareni jucha neni uékasïni jaiapanherantani: Satanasini o Tatá Jeobáni. Enga jucha uéjka irékani para méntkisï, jucha jatsiska para uni, ambe enga Tatá Diosï uéjka. Satanasi mítesti néna tamu isï jánhastaani kʼuiripuechani mámaru ambe jimbo, ka uánikua eperukuechani úraasïndi para uni indeni ambe. Isï jimbo uánikua kʼuiripuechani kʼaraaxati o tamu isï jánhastaxati (Jaŋaskuecha 12:9).