¿Néskiksï Tatá Diosïri pʼíchpiricha?

Jesúkristu Tatá Jeobéri uájpesti ka sánderu ambakiti pʼíchpiri jembesti ka Tatá Jeobá kánikua uékasïndi imani. Enga Jesúsi nótki juremga echerirhu, auándarhu irékaspti eska anjili uinhapiti ma (Juanu 17:5). Tátsekua juraspti echerirhu para jorhentpini jurhimbikua Tatá Diosïri ambe (Juanu 18:37). Istu, íntspespti imeri tsípekuani para euajpiantani kʼamanharintskuarhu ka uarhikuarhu, imechani engaksï kurhajchajka (Roma 6:23). Jesúsi iásï jindestia Reini, Diosïri Juramukuarhu, enga auandarhu jaka, ari Tatá Diosïri juramukua uáti eska echeri sesi jándintaka (Jaŋaskuecha 19:16).

Anjilichajtuksï Tatá Diosïri pʼíchpirichesti. Anjilichaksï no echerirhu uénaspti irékani eska kʼuiripuecha. Auandarhu kuerakatestiksï, enga útasï Tatá Diosï notki uni japka echerini (Job 38:4-7). Milloni jimboksï anjilicha jarhasti (Jaŋaskuecha 5:11). Ari Tatá Diosïri pʼíchpiricha engaksï auandarhu anapueka, uékasïndiksï eska kʼuiripuecha jorhenguarhiaka jurhimbikua Tatá Jeobéri ambe (Jaŋaskuecha 14:6, 7).

Istu Tatá Diosï jatsiasti pʼíchpirichani ixu echerirhu; ka jindestiksï engaksï imeri ambe uandantajka. Ma testigu enga jarhajka kʼéri juramutichani japarini, uandantasïndi ambe enga míteka máteru kʼuiripueri o ambe enga míteka eska úkuarheska. Engaksï Tatá Jeobéri ambe uandantajka, aianhguasïndiksï máterhuechani ambe engaksï mítika Tatá Jeobéri ambe ka istu imeri eratsikuechani (Isaías 43:10). Májkueni eska anjilicha, engaksï Tatá Jeobéri ambe uandantajka, uékasïndiksïni jarhuatani mítini sesi jimbo néski Tatá Jeobá. Uékasïndiksï eska chájtu Tatá Diosïri pʼíchpiriuaka.