¿Nénaksï jarhasïni uarhiricha?

Uarhikua jindesti nóteru tsípiti jarhani. Isïsti eska uinhamu kʼuini jarhani (Juanu 11:11-14). Uarhirichaksï no úsïndi kurhanguni, exeni, uandani ka nijtu eratsini (Eclesiastés 9:5, 10). Religióni no jurhimbiti uandasïndi eskaksï uarhiricha nirasïnga espirituecheri parhakpinirhu para irékani imeri ióntki anapuechani jingoni. Joperu Biblia no isï jorhentpesïndi.

Uarhiricha, nojtsïni úsïndi jarhuani, nijtujtsïni no sesi ambe úcheni. Uánikuaksï kéjtsïtakuasïndi ka kʼuinchikua úkuantasïndiksï uarhirichani, jakajkuparini eska inde ambe jaiapanherantasïnga. Joperu, Tatá Diosï no jaiapanhiantasïndi indeni pʼindekuechani, jimbokaksï uaxastakata jarhaska Satanasiri chikuanderakuechani jimbo. Nijtuksï ua jaiapanherantani uarhirichani, jimbokaksï nóteru tsípiti jarhaskia. Jucha no jatsiska para uarhirichani chérhiani nijtu kómarhiani. Jucha Tatá Diosïntku jatsiska para kómarhini (Mateu 4:10).

Uarhirichaksï ménderu iréntati. Nóteru ióni jimbo, Tatá Jeobá tsítantauati uarhirichani paraksï iréntani echerirhu enga sesi jándentakia (Juanu 5:28, 29; Ukuecha 24:15). Tatá Diosï úsïndi tsínharitani uarhirichani májkueni eska jucha na újka tsínharitani nemani enga kʼuini jarhaajka (Markusʌ 5:22, 23, 41, 42).

Inde eratsikua, eska jucha no uarhisïnga, chikuanderakua maesti enga Satanasi etsakuka. Satanasi ka imeri demoniuecha eratsitarasïndi kʼuiripuechani eska uarhiricheri espirituecha tsípiti jarhasïnga, ka eska indecha pʼamenchatarasïnga ka uandanhiatarani. Satanasi kʼarhaasïndi kʼuiripuechani, ménichani isï tsánharhikuechani o jánhaskuechani jimbo. Tatá Jeobá no jaiapanhiantasïndi imechani engaksï uandontskuarhijka uarhirichani jingoni (Deuteronomio 18:10-12).