Jesukristu, Mesiasi enga aiatspinhapka

JEOBA uánikua ambe eianguaspti profetechani Mesiasiri ambe, ima enga Euajpintstiipiringa. Fásilisti mítintani, jimboka uandanhaspkia nani andajpenupirini, ambe úpirini ka néna uarhipirini. Ka iámindu i ambe Tata Jesukristuni jingoni úkuarhisti. Exeakachi eska i ambe ísï úkuarhiska, exeparini imeri andajpenukuani ka enga sapiipka.

Profeta Isaiasi uandaspti eska Mesiasi, Dabidiri familia jimbo jupiringa (Isaías 9:7). Ka ísï úkuarhesti: Jesusi, Dabidiri desendientespti (Mateu 1:1, 6-17).

Mikeasi, máteru Tata Diosïri profeta, uandaspti eska “Beleni Efrata” andajpenupiringa ka eska juramutiipiringa (Miqueas 5:2). Enga Jesusi andajpenupka, tsimani iretechaksï jarhaspti Israeli engaksï Beleni arhinhaenga. Ma norti ladu jarhaspti paisirhu, Nasareti no iauani, ka máteru Judá, Jerusaleni no iauani. Ima enga Jerusaleni no iauani japka, antesi Efrata arhinhasïrendi. Ka Jesusi jimasï andajpenuti, ka ísï úkuarhisti profesia (Mateu 2:1).

Máteru profesia Bibliarhu, uandasïrendi eska Tata Diosï uandajpapiringa Uájpani paraka uéakuntapiringa “Ejiptu”. Ka ísï úkuarhesti, enga Jesusi sapichuepka, Ejiptu pánhaspti, peru enga juramuti Erodesi uarhipkia, uéakuntaspti Ejiptu para kʼuanhatsini imeri paisirhu. Ísï úkuarhispti i profesia (Oseas 11:1; Mateu 2:15).

Rekuadrurhu “Profesiaecha mesiasiri ambe”, exeakajtsï uandakua “Profesia” ka jima textuecha máru jauati engaksï uandajka uánikua ambe Mesiasiri. Terokutanta je indeni textuechani, imani jingoni enga uandajka “Néna úkuarhiski”. Ísïjtsï uáka sánderu jakajkuni eska Biblia Tata Diosïri uandakueska.

Engajtsï arhiantauaka ini textuechani, asï mirikurhi je eskaksï i profesiecha karakuarhiska uánikua uéxurhini ante de Jesusi andajpenuni. Jesusi uandaspti: “Kumplirikuarhipiri[ndi] iámindu juchiti ambe enga Moisesiri lei jimbo ka ístu uandajtsïkpiticheri karakatecharhu ka salmuecharhu karakata jaka” (Lukasʌ 24:44). Chári Bibliarhu, exeakajtsï eska iámu ambe ísï úkuarhiska, asta sánderu sapichu ambe.