Reinu ma enga iámu Parhakpinirhu juramuaka

No ióni jimbo, reinu ma jauati enga juramuaka iámu Parhakpinirhu. ¿Uékasïniri mítini nákiski?... Tata Diosïri Reinuesti. I Reinu uáti eska iámu Echeri paraisu máeuaka, nani enga kánikua sési jándiaka para irekani. ¿Uékapiriniri sánderu mítini i Reinueri ambe?...

Para uénani, ¿mítiskiri ambeski rei ma? Imaesti enga reinuni ma juramukujka. Tata Diosïri Reinujtu jatsikuarhisti reini ma. ¿Né jindee?... ¡Jesusisti! Ima auandarhu irekasti, ka no ióni jimbo iámu parhakpinirhu juramuati. Peru, ¿jindeua Jesusi ambakiti rei ma? ¿Sésichi irekuaria enga ima juramuni jauakia Echerirhu?...

¡Jo! Enga Echeri paraisu máeuakia, nóteruksï jauati guerrecha. ¡Kʼuiripu nóteru ambe ma jimbo uarhiperaatia! Nóteru nema pʼamenchaati ni uarhini. Engaksï iásï no újka exeni, eskantaatiksï ka engaksï no kurhaajka, kurhaauatiksï. Engaksï no újka xanharini, uiriiuatiksï ka tsanguarani. Iáminduksï jatsiati ambakiti ambe para tʼireni. Animalichajtuksï no uarhiperaati, ka uákachi imecha jingoni chʼanani. Ka jarhasti máteru ambe: tsíntaatiksï uánikuecha engaksï iásï uarhirini jaka. I ambe arhikuekasïndi eska Rebeka, Raabi, Dabidi, Eliasi ka uánikua máteruechaksï tsíntaaka. ¿A no eskari uékapiringa mítiani?...

Jeoba kánikuakini uékasïndi ka uékasïndi eskari tsípikua jingoni irekaaka. Jorhenguarhi imeri ambe ka ú ambe engakini ima jorhendajka. Engari ísï úska, irekaakari para méntkisï paraisurhu ma. ¿Tsitipiriniri irekani Paraisurhu?...