UEENA JE UANDONTSKUARHENI
JORHENGUARHIKUA 6
Balori juka je
Tekstu: “Joperujtsïni Tata Diosï jarhuatasti parachi jucha balori jukantani paraksïni aianguni ambakiti aianhperakuani” (1 Tes. 2:2).
Ambe enga úpka Jesúsi
1. Exe je BIDEUNI o arhinta je Lukasï 19:1-7. Tátsekua exea je arini kurhamarhikuechani:
¿Andiksïsï máru kʼuiripuecha no xáni tsitieni Sakeu jingoni kúnguarhini?
¿Ka andisï Jesúsi uékapi aianguni Tata Diosïiri ambe?
¿Ambejtsïni jorhendasïni Jesúsiiri ejemplu?
2. Uétarhisïndi balori jukani para iáminduechani aianguani jurhimbikueri ambe.
Májkueni ú je eska Jesúsi
3. Mintsinharhi je Tata Diosïni. Tata Diosïiri espiritu íntskuspti uinhapikua Jesúsini para úni aianhpini, ka májkueni uaati chánksïni jingoni (Mat. 10:19, 20; Luk. 4:18). Arhi je Tata Diosï Jeobani eskaksïni íntskuaka balori parajtsï úni uandontskuarhekuani imeechani engajtsï chérhiajka (Úku. 4:29).
4. Asï tʼuini eratsi jeia eskaksïni no kurhajchaaka. Ménisï na enga xarharajka kʼuiripu ma, na enga xáni jatsikuarheka, na enga irekaka ka ambe enga jakajkujka, úpirindi úni eskachi no aiangupiringa. Joperu miá je:
Tata Diosï Jeoba ka Jesúsijkusï újti míteni ambe enga kʼuiripu jatsika mintsitarhu, jucha nómbe.
Tata Diosï Jeoba uaati pʼamojperakua xarhatakuni né uéjkini enga ima uékaaka.
5. Balori juka je joperu ístu jingontku jáma je (Mat. 10:16). Janhanharhi je kʼuiripuni ka asï jáma je arhirperani. Engajtsï exeaka eska kʼuiripu no uékasïnga kurhaani o engajtsï ueenaska no agustu pʼikuarherani, ásteru seguirii jeia uandontskuarheni (Prov. 17:14).