Jorhenguarhi je néna sánderu sési aianhpeni: aianhpiparini interfoni jimbo

Andisï jukaparhakue. Úpiringachi chéni pʼikuarherani interfoni jimbo eianhpini, peru ¿ambechi uá úni parachi sánderu jánguarhintani eianhpini ambakiti ambe nájkirukachi chéni pʼikuarheraaka? Miá je eskachi máru kʼuiripuni interfoni jimbojku uáka eianguni ambakiti eianhperakua (Rom. 10:14). Ka ménisï ústi ambakiti eianhperakua ma íntspinhani interfoni jimbo (exe je Anuario 2011, pájinecha 65 ka 66, ka Anuario 2000, pájina 54, párrafu 3). Ju je exeni ambechi uá úni.

Néna úni:

Parajtsï seguru pʼikuarherani, preparari je ka kara je presentasioni sapichu ma, ísïjtsï uáka jima uératini arhikuntani engajtsï interfoni jimbo uandontskuarhini jauaka. Arhi je andijtsïsï pʼorhembini jaki ka enga interfonirhu jukaka imeri nombri úra je. Engajtsï kʼamarani jámakia, arhi je eskajtsï uékasïnga íntskuni o puertarhu jurajkukuni tratadu ma o rebista ma enga jataka sánderu informasioni.
Ambakiti ambe erokuarhi je. Tsípiku je ka ísï jáma je enajkijtsï exeni jaki kʼuiripuni.
Asï ché je ka uandontskuarhiku je. Sési uandontskuarhi je ka eska andajkuarhiaka kurhaani. Asï xáni anhaxurhi je, peru ístu asï xáni sóntku uanda je.
Sési eratsi je. Kʼérati edifisiuecharhu engaksï interfoni ma jukaka uánikua timbrecha jingoni, úpiringajtsï tanipurujku uandani, karani nani ka nanijtsï kústaski ka tátsekua kéndikuni. Kʼuiripu enga edifisiuecharhu irekaka, úpirindi chérakuarhini engachi ióni pakaraska iámindu departamentuecharhu uandani.

Ú je ini ambe ini kutsï jimbo:

Uákajtsï ensaiarini ini ambe chári familieri jorhenguarhikuarhu ka eska ima engaksï ensaiarini jauaka uandontskuarhiaka no eratperaparini.