Jorhenguarhi Je Néna Sánderu Sési Aianhpini: Aianhpi je telefonu jimbo

ANDISÏ JUKAPARHAKUE. Telefonu jimbo aianhpini jindesti ma ambe engachi jimbo újka “aianhpini ambakiti aianhperakuani” (Uk 20:24).a Jarhuatasïndijtsïni parachi úni aianhpini engachi mámaru ambe jimbo no újka nirani kʼumanchikuecha jimbo.

NÉNA ÚNI

• 

  Prepararikuarhi je. Imani temani eraku je enga marhuakuaka kʼuiripuni. Tátsekua kara je máru ambe engajtsï uéjka arhini. Ístu, engaksïni no nema kurhacheska uákajtsï mensaji ma jurajkukuni parajtsï arhini andijtsïsï uandajpani japi. Sési japirindi parajtsï mesarhu jatsinia imani ambe engajtsï karakia ka máteru ambe engajtsï xáni úraaka komu, selulari o tableta ma parajtsï exeni JW Library^® o jw.org^®.

• 

  Asï ché je. Ísï uanda je eska ma na uandontskuarhejka kʼuiripu ma jingoni. Tsípi je ka ísï ú je enajki jima japirini kʼuiripu. Asï xáni anhaxurhi je uandani. Sési japirindi parajtsï máteru nemani jingoni úni iamadani. Engaksïni kʼuiripu kurhamarhiaka ambe ma, uákajtsï repetirini kurhamarhikuani paraksïni erachi o pirenchi jarhuatani mókuntani.

• 

  Arhi je ambe ma parajtsï úni pʼorhembintani. Enga kʼuiripu uékaaka sánderu ambe míteni, jurajkuku je kurhamarhikua ma parajtsï mókukuntani jiáni engajtsï ménderu uandajpaaka. Uákajtsï aiakuni publikasioni ma ka arhintsï eskajtsï uáka korreu jimbo axakuni, Interneti jimbo o eskajtsï uáka nirani pákuni. Ístujtsï uáka mensaji o korreu elektroniku jimbo axakuni bideu ma o ima ambe enga juchari pájina Internetirirhu uérajka. Enga cha exeska eska kʼuiripu uékaaka, uákajtsï arhini eska exeaka ambe ma enga juchari pájina Internetirirhu jaka.