Ambe engajtsï uaaka jorhenguarhini
Néna engajtsï uaaka úrani partini “Sánderu jimbanhi ambe”
Parti “Sánderu jimbanhi ambe” enga JW Library® ka jw.org jimbo jaka, jarhasti sánderu jimbanhi ambe enga uérajka. ¿Nénachi uaa úrani ini partini parachi exentani sánderu jimbanhi informasioni enga uérajka?
Enga chá úrani jauaka JW Library
Méni enga uérajka jimbanhi artikulu ma, imani parti jimbo jarhasïndi enga arhijka catálogo de artículos ka seguni náki enga jindeuaka tema jima jarhasïndi, ka inde catálogo jima xarharasïndi enga arhijka “Lo nuevo”. Jimajtsï uaaka késkuni jimbanhi artikulu ma enga uéraka. Parajtsï arhintani jimbanhi artikulu ma enga uéraka, incha je imani catálogo jimbo ka jaiasku je primeru artikulurhu enga listarhu jaka ka enga fecha jimbo jaka.
Jamberijtsï no uaaka mátirku iámu arhiantani imani publikasioniichani engaksï sánderu kʼéka komu rebisteecha. Ísï jimbo, uaakajtsï jima peeuani enga arhijka “Favoritos” parajtsï ísï úni sóntku exeantani ka seguirintsï arhiantani. Engajtsï na kʼamaraakia arhiantani, uaakajtsï kénditaani jima.
Enga chá úrani jauaka jw.org
Jarhasti máru ambe enga solu jw.org jimbo uérajka komu aianhperakuecha ka máteru ambe, ka iichaksï no uérasïndi JW Library jimbo. Jánguarhinta je exeni partini “Sánderu jimbanhi ambe” parajtsï exeni ambe enga nótki ióniika enga uéraka.