Úra je jw.org parajtsï ambakiti konsejuechani jirinhantaani

Tata Diosïri Karakatajtsïni íntskusïndi ambe engachi uétarhinchajka ini últimu jurhiatikuechani jimbo (2Ti 3:1, 16, 17). Joperu ménichanchi uétarhinchasïnga konsejuechani ka prinsipiuechani engaksï imeeri ambe uandajka engachi nitamakuarhini jarhajka. Pori ejemplu, ¿uétarhinchasïntsï jarhuajperata para kʼuiriperaani chaari sapiichani? ¿Kómu nitamakuarhixakijtsï jimbokajtsï uarhiranchaska chaari acheetini o uarhiitini? Engari tumbiika, ¿úkua jukanchasïniri para xarhatani eskari mintsikasïnga Tata Diosïni? Pájinarhu jw.org jimbo, jarhastiksï artikuluecha engaksï Biblieri prisipiuechani uandaajka engajtsïni jarhuatajka orhepani uérakuani ini járhati uandanhiatechani ka engachi ístu máteru ambe nitamakuarhini jauaka (Pr 2:3-6).

Pájinarhu enga ueenakuarhu jaka jw.org jimbo, ni je jima enga arhijka “Bibliaeri jorhenguarhikuecha” ka eraku je tema ma (imajeni 1). O ni je jima enga arhijka “Publikasionicha” ka tátsekua, “Temecha engaksï xáni jaka” ka eraku je tema ma (imajeni 2). Májkueni ambechi exentaaka aplikasionirhu JW Library^®.a ¿Andijtsïsï no exejki informasioni enga jimini jaka? Máteru ambe engajtsï uaaka úni, jindeesti karani ambe engajtsï uékani jaka míteni jimini enga jindeeka para jirinhantani ambe ma jw.org jimbo.

Kara je ini ambe jima enga jindeeka para jirinhantani ambe ma ka anotari je imani ambe engajtsï tsitipiringa arhintani:

• Sapiichani jorhendaani

• Tumbiicha engaksï depresioni pʼamenchajka

• Enga uámba o témba uarhijka