“Andamos por fe, no por vista”

Ante de uirhipandanhani ka kʼamajkunhani Jerusaleni, apostuli Pablu karakuaspti kristianuechani eska komueska ambarhati Kristueri sondaduecha, erokuarhiapiringaksï uandanhiatechani ka ma ladu jurajkuni jatsikuarhikuani ka imani ambe engaksï ima uékenga (2 Tim. 2:3, 4). Iásï enga axuterku jakaia kʼamajkukua i parhakpiniri enga jarharitini jaka Tata Diosïni, uétarhinchasïngachi jakajkukua parachi jingontku jarhani Tata Diosïri ambe jingoni (2 Kor. 4:18; 5:7). Exe je bideuni“Andamos por fe, no por vista”. (Exe je jw.org, jima enga arhijka PUBLIKASIONICHA > BIDEUECHA.) Exe je na engaksï Nadabi ka Débora uarhipka pori uékani jatsikuarhini. Ju je exeani máru kurhamarhikuechani.

1) ¿Primeru siglurhu, ambeni arhikuekasïreni ima kʼéri no sési úri enga pímbinhandu japka ka ambeksï jatsispi para úni Jerusaleni anapu kristianuecha? (Mat. 24:15, 16). 2) ¿Andiksïsï uétarhinchapi jakajkukua paraksï uéakuni iretarhu? 3) ¿Ambeksï jatsispi para úni? 4) ¿Andiksïsï ióndapi uéakuni Nadabi ka Débora? (Mat. 24:17, 18). 5) ¿Náki máteru tsʼéjkukua jatsispi Rakeli enga jurajkupka ireta Jerusalenini? (Mat. 10:34-37; Mar. 10:29, 30). 6) ¿Ambe ambakiti ejemplu jurajkuski Jafeti de jakajkuni ka mintsikani Jeobani? 7) ¿Náki uandanhiatechanksï jatsiaspi kristianuecha jini Pela? 8) ¿Néna sánhani arhispi kʼamakurhini Nadabiri ka Déboraeri jakajkukua? 9) ¿Néna kuájchakuaspi Jeoba kristianuechani engaksï Pela irekapka? (Mat. 6:33; 1 Tim. 6:6-8). 10) ¿Nénachi uá májkueni úni eska Abraani ka Sara seguni eska na sánhani arhiaka axuterku jarhania i parhakpiniri kʼamajkukua? (Ebr. 11:8-10). 11) ¿Andiksïsï Nadabi ka Débora kʼuanhatsintapi Jerusaleni, ka andiksïsï enganiarikuarhini japi? (Luk. 21:21). 12) ¿Nénaespi irekua Jerusaleni engaksï Nadabi ka Débora kʼuanhatsintapka? 13) ¿Andichisï jatsi para uinhaperantani juchari jakajkukuani, antesi de janoni i parhakpiniri kʼamajkukua? (Luk. 17:31, 32; 21:34-36).

Jakajkukua jingoni jámani arhikuekasïndi 1) mintsikani Jeobani, 2) jurajkuni eskajtsïni ima arhiaka ambe úni ka 3) sánderu jukaparharani Tata Diosïri ambe ka eska jatsikuarhikua ambe. ¡Eskachi iámindu juchajtu jámaaka jakajkukua jimbo ka únchi ambe enga Tata Diosï uékajka! Eska na arhijka 1 Juanu 2:17, “parhakpini kʼamaraati ka ístu iámindu ambe engaksï parhakpini anapuecha tsitijka, peru ima enga újka eska Diosï na uékajka méntkisï irekaati”.