Tata Diosï enga xáni uékpitika, uátiksïni újchakurani para méntkisï

• ¿Uékapirintsï irekani parhakpini ma jimbo enga no jauaka uarhiperakua, atajperakua ni marcha ambe?

• ¿Uékapirintsï eska no japiringa pʼamenchakua, kómu nitamakua ni uarhikua?

• ¿Uékapirintsï no ma ambe jimbo uandanhiani?

• ¿Eranhaskasïntsï no chéni eska niáraaka kʼéri janini o jencheni?

I ambe no tsánharhikua máesti. Ima enga Kueraaka ini xáni sési jásï Echerini, Tata Diosï máesti enga uékpitika ka aiachistijtsïni eskachi uáka tsípikua ka pínandikua jingoni irekani para méntkisï.

Máteru jorhenguarhikuecha jimbo, ari kurhamarhikuechaksï mókunhantaati:

• ¿Juchari Kuerajpirijtsïni xénchajki?

• ¿Ambejtsïni jorhendasïni Tata Diosïri Karakata?

• ¿Ambeksï uandaspi profetecha eska Tata Diosï aiakuaska kʼuiripuechani?

• ¿Nénajtsïni jarhuatasïni Tata Diosï parachi tsípikua jingoni irekani iásï ka sánderu orhepani?

Ju je orheta exeni máru ambe enga xarhatajka eskajtsïni juchari Kuerajpiri xénchasïnga.