KRISTIANUECHERI IREKUA
Tumbi, incha “kʼéri puertani” jimbo; asï jurajku para tátsekua
Fásilisti eratsini eskachi méntkisï sapichku jauaka ka eskachi no méni niáraaka jatsiani ini parhakpinirhu ‘no sési járhati jurhiatikuechani’ enga jatiri ma jatsiajka (Ec 12:1). Engari uátsïka o tumbi, ¿eratsisïniri eskari útasï kánikua tiempu jatsiska parari úni marhuakuni Jeobani sánderu orhepani, por ejemplu tiempu kompletueri?
Iáminduchi jatsisïnga “ambe ma enga ma no erokuarhijka”, asta tumbiicha (Ec 9:11). No nema mítisti “ambe enga úkuarhiaka pauani” (Snt 4:14). Ísï jimbo, asï ísku jatini jurajku parari tátsekua marhuakuni Tata Diosïni. Incha “kʼéri puertani” jimbo, nani engari uáka uánikua ambe úni mientrasi engari tiempu jatsika (1Ko 16:9). Nori pʼamondakuarhiaka.
Máru ambe engari uáka úni parari sánderu marhuakuni Tata Diosïni:
Máteru idioma jimbo aianhpini.
Prekursoriini.
Eskuela ma jimbo nirani para sánderu mítini Bibliaeri ambe.
Jarhuajpini konstruksionirhu.
Beteli marhuani.
Sirkuitueri orhejtsïkutiini.