Jingontku ja je ka ú je ambe ma parajtsï sési jarhani Jeoba jingoni enga ambe ma mójtakuarhiaka

No nema úsïndi úni eska ambe ma no mójtakurhiaka, ka menusi ini últimu jurhiatikuechania (1Ko 7:31). Ia sea engachi erokuarhiani jauaka mójtakukuechani o nómbe, ambakiti ambeni o nómbe, i ambe uáti mójtakuni juchari kómarhikuani ka tsʼéjkuni juchari pájperakua Jeoba jingoni. ¿Ambejtsïni jarhuataa enga ambe ma mójtakurhiaka parachi jingontku jarhani ka úni ambe ma parachi sési jarhani Jeoba jingoni? Exe je bideuni Jánguarhi je sési jarhani Jeoba jingoni nájkirukajtsï jatsiaka para mótsini ka mókuanta je arini kurhamarhikuechani:

• ¿Ambe konseju íntskuspi erachi ma, familieri orhejtsïkutini?

• ¿Néna jarhuataspi familiani Mateu 7:25 enga ini ambe nitamanchani japka?

• ¿Náki arregluechanksï uáspi paraksï mótsini ka néna jarhuataaspi inde ambe?

• ¿Ambe jarhuataaspi paraksï úni pʼindeni kúnguarhikuarhu ka territoriurhu?

¿Ambe ka ambe mójtakurhiski iásï sáni juchiti irekuarhu?

¿Néna uá úraani juchiti irekuarhu prinsipiuechani engaksï bideurhu xarharajka?