Jarhuataa je chári sapiichani paraksï Jesusiri chúxapati máeni

Sánderu kʼéri tsípikuarhita engaksï táti kristianuecha pʼikuarherajka, jindesti exeani eskaksï imeri sapiicha ísku nemeni exekuarhisïnga, pʼíkukuarhini imeri chkarini ka seguirini Jesusini (Mr 8:34, TNM; 3Jn 4). ¿Nénaksï uá táticha jarhuataani imeri sapiichani paraksï Jesusiri chúxapati máeni, aiakukuarheni Jeobani ka itsï atakuarhini? ¿Ambe xarhataa eska sapi ma listu jarhaskia para itsï atakuarhini, i ambe enga xáni jukaparhakueka?

Arhinta je partini “Unas palabras para los padres”, librurhu Organizados para hacer la voluntad de Jehová, pájina 165 ka 166. Ka tátsekua exea je arini kurhamarhikuechani:

1. ¿Ambeski disipulu ma?

2. ¿Ambeksï jatsiski para jorhendaani táticha imeri sapiichani?

3. Úrapariani arini karakatechani, ¿néna úpirini xarhatani sapi ma eska listu jarhaskia para itsï atakuarhini?

   • Kol 3:20

   • Lu 2:46

   • Sl 122:1

   • Mt 4:4

   • Mt 6:33

   • 1Ko 15:33