Pablu diosmeiamukua arhispti Diosïni ka uinhapikuarhintaspti

Engaksï Roma anapu kúnguarhikuarhu anapu erachicha mítipka eska Pablu niáraxapkia, máruksï 64 kilometru ísï (40 millas) biajarispti paraksï kúmani. ¿Néna pʼikuarheraspi Pablu enga exepka na engaksï i erachicha uékperakua xarhatakuni japka? Enga exeapka, “diosmeiamukua arhispti Diosïni ka tsípintaspti” (Uk 28:15). Sáno méntkisï, Pablusï uinhaperantauendi kúnguarhikuechani, peru iásï, imasï uétarhinchendi eskaksï uinhaperantapiringa jimboka jupikakata jarhaspka (2Ko 13:10).

Iásï, sirkuitueri orhejtsïkutichaksï pʼorhembiasïndi kúnguarhikuechani para uinhaperantaani erachichani. Ménisï, ísï eska iámindu Tata Diosïri marhuaricha, imajtuksï kuataratini jarhasïndi, uandanhiani o desanimaduksï jarhani. ¿Ambechi uá úni parachi animarini sirkuitueri orhejtsïkutini ka imeri témbani, ka ísïchi úni uinhaperperantani? (Ro 1:11, 12).

• 

  Ju je apoiariuani tánguarhikuechani para uérani aianhpini. Sirkuitueri orhejtsïkuti kánikua sési pʼikuarherasïndi enga exejka eskachi jánguarhintasïnga apoiarini imani semana enga xáni jukaparhakueka (1Te 1:2, 3; 2:20). Ju je jánguarhintani prekursori auksiliariini ima kutsï engajtsïni pʼorhembiaka. ¿Úpirinchi arregluechani uáni para uérani aianhpini sirkuitueri orhejtsïkuti jingoni o imeri témba jingoni, o parajtsïni pámbitani estudiu bíbliku ma úni? Asï eratsi je eskajtsï nótki ióni páxaka aianhpini o eskajtsï no úsïnga sési aianhpini, imaksï tsitisïndi iámindu kúnguarhikuarhu anapu aianhpiricha jingoni uérani.

• 

  Ju je sési kaani. ¿Úpirinksï juchiniu pakarani ochi pʼímarhiani tʼireni? Ísï úparini, xarhatanchi jauaka eskachi xénchaasïnga. Ka imaksï no erokuarhisïndi eskachi uánikua ambe preparariuaka (Lu 10:38-42).

• 

  Ju je kurhauani konsejuechani ka ísï úni eskajtsïni na arhiaka. Sirkuitueri orhejtsïkuti, uékperakua jingontsïni jarhuatasïndi parachi sánderu sési marhuakuni Jeobani. Jamberijtsïni ménisï jatsiati para jurhimbitku arhini ambe ma (1Ko 5:1-5). Engachi kurhandiraska ka kaxumbitiini, tsípikua jingoni uáti imeri ánchikuarhitani (Eb 13:17).

• 

  Ju je grasiasi arhiani. Arhi je sirkuitueri orhejtsïkutini ka imeri témbani nénaksïni jarhuataski ambe engaksï úka chánksïni jimbo. Uákajtsï chári uandakuecha jingoni arhini o tarjeta ma jingoni (Kol 3:15).