KRISTIANUECHEERI IREKUA
Uinhamuksï ánchikuarhisïndi juchantsïni jimbo
Sirkuitueri orhejtsïkutiicha ka imeecheeri témbeechaksï, uinhamu ánchikuarhisïndi juchantsïni jimbo jimbokajtsïni xénchasïnga. Peru imeechajtuksï ménisï niárasïndi uétarhinchani ambe ma. Ístu, ménisïksï kuataratini jarhasïndi, chkénksï pʼikuarherani oksï uandanhiani (Snt 5:17). Peru nájkiruka ísïika, mándani semana engaksï kúnguarhikuani ma pʼorhembijka jánguarhintasïndiksï uinhaperaantani jima anapu erachiichani. ¡Sirkuitueri orhejtsïkutiichaksï “jukancha[sti] tsimani uelta sánderu janhanharhinhani”! (1Ti 5:17).
Enga apostoli Pablu uékani japka Roma anapu kúnguarhikuani pʼorhembini para “íntskuni Tata Diosïiri kóntperata ma”, ima uékasïreendi uinhaperaantani jima anapu erachiichani ka eskaksï imantu uinhaperantapiringa (Ro 1:11, TNM; Ro 1:12). ¿Ménisïjtsï eratsentaskia nénajtsï uaa uinhaperantani sirkuitueri orhejtsïkutini o imeeri témbani?
ENGAJTSÏ EXEAKIA BIDEUNI AMBE ENGA XÁNI ÚJKA SIRKUITUERI ORHEJTSÏKUTI MA ISLA MA JIMBO, MÓKUANTA JE ARINI KURHAMARHIKUECHANI:
¿Ambeksï xáni úsïni sirkuitueri orhejtsïkutiicha ka imeeri témbeecha jimbokaksï xénchaasïnga kúnguarhikuarhu anapu erachiichani?
¿Chánksïni néna jarhuataskia?
¿Ambechi uaa úni parachi uinhaperaantani?