Jorhenguarhi je néna sánderu sési aianhpeni: Jorhenguarhi je néna úni karta ma

ANDISÏ JUKAPARHAKUE. Primeru karakata para Korintu anapuecha, imani 14 kartecha jingoni kuenta úkuarhisïndi enga Pablu karaapka para uinhaperantaani imeri erachichani. Kánikua marhuasïndi karta ma úni: ima enga karajka, sési eratsintasïndi ambe enga karaaka, ka ima enga intsïnhaaka kartani, úati someni arhintani. Kartechaksï kánikua marhuasïndi parachi úni predikarikuani juchari parientechani, imechani engachi mítiaka ka imechani engachi no újka exeantani. Por ejemplu, jamberi no fásiliuati ménderu exentani imani kʼuiripuni enga tsitika kurhaani o imecha jingoni uandontskuarheni engaksï edifisiuecharhu irekaka nani enga kánikua seguridadi jaka, o engaksï jimesï irekaka nani enga no né uéjki újka inchaakuni o iauanisï. ¿Ambechi jatsiski para miáni engachi karakuaka nemani engajtsïni no mítika?

NÉNA ÚNI

• 

  Ísï karaku je enajkijtsï exeni jaki kʼuiripuni. Orheta kara je nájtsï arhinhasïni ka eska kurhangukuarhiaka andijtsïsï karakuni jaki. Jamberijtsï úaka kurhamarhikua ma úkuni para kʼuiripu eratsintani pakarani ka inchani juchari pájinarhu Internetiri. Tátsekua, úakajtsï arhini eskachi Bibliaeri ambe jorhentpesïnga kʼumanchikuecharhu o títulu ma karani jorhenguarhikueri ma juchari publikasionicheri engachi úraajka para jorhentpini. Ístujtsï úaka tarjeta ma axakuni karta jingoni para jw.org inchani, pʼimarperakua ma o tratadu ma.

• Asï uánikua ambe kara je. Engajtsï uánikua ambe karaaka, kʼuiripu úati kuatantani ante de iámu kartani arhintani (exe je kartani).

• Exe je eska karta sési karakata jauaka ka eska fásiliuaka para arhintani. Ístu exe je eskajtsï sési járhati uandakuechani úrauaka, eska ambakiti ambe arhiaka ka janhanharhikua jingoni. Maiampi je na enga xáni jukaparhaaka para axani.