¿Úraasïntsï tarjetechani para jw.org inchani?

Uétarhisïndi eskachi iásï sánderu eianhpiaka, jimboka kʼéri mískuarhita sánderu axuterku jarhaskia (Pr 24:11, 12, 20). Ma ambe para jarhuatani kʼuiripuni, jindesti úraani tarjetechani para jw.org inchani, enga pʼímarpijka arhintani Bibliani ka inchani juchari pájina Internetirhu. Tarjetechaksï kódigu ma jukasti enga pájpijka bideurhu ¿Andisï uétarhijki jorhenguarhini Bibliaeri ambe? ka pʼímarperakua ma para enga uékaaka sánderu informasioni o estudiu bíbliku ma. Jarhastiksï kʼuiripuecha engaksï no jiókuarhiajka publikasionichani, peru engaksï uéjka inchani pájinarhu jw.org. Enga ísïuaka, íntsaa je tarjeta ma. Peru asï íntsaa je imechani engaksï no uéjka kurhaani eianhperakuani.

Ambe uéjki engachi úni jauaka, uákachi uénani uandontskuarhini kʼuiripu jingoni, arhiparini: “Uékapiringaksïni íntskuni arini tarjetani. Jukasti pájina ma Internetiri nani enga jaka informasioni ka bideuecha mámaru járhati temecha jingoni engaksï gratisiika” (Jn 4:7). Ka jimbokaksï i tarjetecha sapirhaka, uákajtsï méntkisï kaani jarhani máru para nani engajtsï uáka íntspiani.