Seguiri je indeni ambe eratsini

¿Ambe? Filipusʌ 4:8 arhisïndi eskachi imani ambe eratsiaka enga ísïika, enga sési jásïka, enga jurhimbikueka, enga pímbinhasïka, enga uékperakua xarhatatspijka, enga sési arhikateka, ambakiti ambe ka enga jukanchaka sési arhinhani. Inde ambe no arhikuekasïndi eskachi kristianuecha jatsiska para puro Bibliaeri ambe eratsini jarhani. Peruchi jatsiska para imani ambe eratsini enga Jeoba jaiapanhintajka ka no imani ambe enga uáka úni eskachi no kurhajchaaka (Sl 19:14).

Úkua jukasti no imani ambe eratsini enga no sési jaka. Jatsiskachi para uinhapekuarhintani jimbokachi no úsïnga iámu ambe sési úni ka ístu Satanasi, i parhakpini anapu diosï, uékasïndijtsïni no sési ambe úrani (2Ko 4:4). Satanasi juramuxati ini parhakpinirhu, ísï jimbo, ambe enga telebisionirhu uérajka, radiurhu, Internetirhu ka libruecharhu ísï, ima ambesïndi enga Jeoba no jaiapanhintajka. Engachi no jingontku erakuska ambe engachi peraaka juchari eratsikuarhu, niáraakachi no sési jásï ambe eratsini ka tátsekuachi niáraaka no sési jásï ambe niátani (Snt 1:14, 15).

ENGAJTSÏ EXEAKIA BIDEUNI JU JE NO ÚNI IMANI AMBE ENGA UÁKA ÚNI ESKACHI JURAJKUAKA JEOBANI: TSÍPIKUARHITA ENGA NO SÉSI JAKA, MÓKUANTA JE ARINI KURHAMARHIKUECHANI:

• 

  ¿Ambe exesïreni erachi imeri telefonurhu ka néna niáraspi no sési úkuni inde ambe?

• 

  ¿Néna jarhuataspi ambe enga arhijka Galasia 6:7, 8 ka Salmo 119:37?