“Ásterhu jatsiaia je diosï úkatechani engaksï máteru nanisï anapueka”

Jakobu mítetixaptia eska Jeobajkusï jukanchaka parachi kómarhini, nájkiruka nótki jarhani japka juramukua ma enga uandenga eska no sési jarhaska diosï úkatechani kómarhiani (Éx 20:3-5). Ísï jimbo, enga Jeoba arhipka eska Beteli kʼuanhatsepiringa, Jakobu arhispti imeri familiani ka iámindu imechani engaksï imani jingoni japka eskaksï nóteru jatsiapiringa diosï úkatechani. Jimajkani, Jakobu inchaskuaspti iámindu diosï úkatechani, ka ístu tirhindikuechani engaksï jamberi úrakuarhienga komueska amuletuecha (Gé 35:1-4). Ísïsti, Jeoba kánikua jaiapanhentaspti ambe enga úpka Jakobu.

Ka iásï, ¿nénachi uá Jeobantku kómarhini? Para uénani, nóchi jatsiska para imani ambe kámani enga diosï úkatecherika, demoniuecheri ambe o ambe uéjki enga sïkuamikua amberika. I ambe arhikuekasïndi eskachi jatsiska para kʼamajkuni ambe uéjki enga sïkuamikua amberika ka ístu exeni ambe jingonchi tsípikuarhisïni. Por ejemplu, kurhamarhikuarhi je: “¿Arhiantasïni libruechani o exeasïni pelikulechani engaksï bampiruecheri ambe uandajka, momiecheri o imeri ambe enga demoniuecheri uinhapikua jingoni úkuarhijka? ¿Imani ambe jingoni tsípikuarhisïni enga ísï xarharajka enajki no no sési jaki joperu enga majieri ambe uandajka, pératsperani ambe ma para sïkuajpini o sïkuamikueri ambe?”. Méntkuchi no jatsiska para kámani imani ambe enga Jeoba kurhunhijka (Sl 97:10).

ENGAJTSÏ EXEAKIA BIDEUNI “ASÏ JIÓKUARHI JE NOAMBAKITINI”, MÓKUANTA JE ARINI KURHAMARHIKUECHANI:

• 

  ¿Ambe nitamakuarhixapi Palesa, uarhiiti ma enga Bibliaeri ambe jorhenguarhini jaka?

• 

  ¿Andisï sési jaki jarhuajperata kurhakuani orhejtsïkutichani enga niáraaka jarhani ambe ma demoniuecha jingoni o sïkuamikua ambe jingoni?

• 

  Engachi uéjka eskajtsïni Jeoba kuájchakuaka, ¿ambe ka ambechi no jatsiski para kámani?

• ¿Ambe niáraspi úni Palesa?

• Nani engajtsï cha irekaka, ¿ambejtsï uá úni parajtsï méntku no ma ambe ma jatsini demoniuecha jingoni?