Tumbi, ¿Jeoba jindeski chíti sánderu ambakiti amigu?

¿Nári jásï amiguni ma uékapirini jatsini? Jamberi ima jásï ma enga no méni jurajpijka, sési kámpijka ka xénchpini. Jeoba xarhatasïndi ini ambe (Éx 34:6; Uk 14:17). Jeoba kurhauasïndi chíti kómarhikuechani ka méntkisïkini jarhuatasïndi engari uétarhinchani jarhajka (Sl 18:19, 35). Ka ístukini puáchintasïndi engari no sési ambe újka (1Jn 1:9). ¡Jeoba ambakiti amigu máesti!

¿Nénari uá niárani Jeobaeri amigueni? Jorhenguarhi imeri ambe Bibliani arhintaparini ka mintsika imani (Sl 62:8; 142:2). Xarhataku eska ambe enga ima sánderu jukaparharajka ístu jukaparhakueska para tʼu, komueska imeri Uájpa, imeri Juramukua ka ima ambe engajtsïni aiachini jaka para sánderu orhepani. Aiangua máteruechani Jeobaeri ambe (Dt 32:3). Engari niáraska sési pájperani Jeoba jingoni, ima méntkisï tʼunguini jingoni jauati (Sl 73:25, 26, 28).

ENGARI EXEAKIA BIDEUNI TUMBIICHA: “TSʼÉJKU JE KA EXE JE ESKA JEOBA AMBAKITISKA”, MÓKUANTA ARINI KURHAMARHIKUECHANI:

• 

  ¿Nénari uá listu jarhani parari aiakukuarhini Jeobani ka itsï atakuarhini?

• 

  ¿Nénaksïni jarhuataa kúnguarhikuarhu anapu erachicha sánderu sési marhuakuni Jeobani?

• 

  ¿Nénakini jarhuataa aianhpini sánderu sési pájperani Jeoba jingoni?

• 

  ¿Amberi uá úni parari sánderu marhuakuni Jeobani?

• ¿Amberi sánderu tsitisïni Jeobaeri ambe?