Jeobani ka Jesusini jimbo, nóteruchi jántspiriuakia

Pauani pauani, ¿náki uandanhiatechantsï jatsiasïni chá? ¿Familieri orhejtsïkuti máeskijtsï enga uánikua ambe jatsika para úni? ¿Jandiajkujtsï tʼarhexeraxaki chári sapiichani ka úkuajtsï jukanchasïni kéndaani? ¿Tumbi máeskiri enga teresmarhunhajka o no sési kánhani eskuelarhu? ¿Uánikua ambejtsï nóteru úsïnia jimbokajtsï jatiriskia o pʼamenchani? Iáminduechachi jatsiasïnga uandanhiatechani, joperuksï jarhasti erachicha engaksï uánikua uandanhiatecha jimbo nitamakuarhijka májku tiempu jimbo. Joperu no ióni jimbo nóteruchi ma inde jásï uandanhiatechani jatsiauakia (2Ko 4:16-18).

Astaka niáraaka ima jurhiatikua, sésijtsïni pʼikuastasïndi míteni eskajtsïni Jeoba kurhanguchisïnga ambe engachi nitamanchani jarhajka, jukaparharasïndi engachi no méni jurajkujka ka tekaantanchi ka aiachisïndijtsïni eskajtsïni sánderu orhepani újchakuraaka (Jer 29:11, 12). Jesusijtu uandanhiasïndi juchantsïni jimbo. Ka engachi jamberi jánguarhintani jauaka imani ambe úni engajtsïni ima juramuchijka, imajtsïni aiachisïndi eska juchantsïni jingoni jauaka (Mt 28:20). Engachi jánguarhintaska eratsentani ambe enga uáka Tata Diosïri Reinu parajtsïni pʼímutantani, sánderuchi mintsikaaka ima ambe enga úkuarhiaka sánderu orhepani ka sánderuchi uáka orhepani uérakuani tsʼéjkukuechani (Ro 8:19-21).

ENGAJTSÏ EXEAKIA BIDEUNI ENGA NO SÉSI JÁNHASKUARHENI JAUAKA CHÚXAPAAKACHI JESUKRISTUNI, MÓKUANTA JE ARINI KURHAMARHIKUECHANI:

• ¿Kʼuiripuechaksï néna niáraski jarhareni Tata Diosïni ka ambe úkuarhiski indeni ambe jimbo?

• ¿Náki erokuarhikuaksï jatsiski imecha engaksï no méni jurajkujka Jeobani?

• ¿Ambe úski eskachi xáni sési jásï ma erokuarhikua jatsiaka?

• ¿Náki aiatsperakuajtsï uékaxakia exeni enga úkuarhiaka jimbanhi parhakpinirhu?