KRISTIANUECHEERI IREKUA
Tata Diosï Jeobajtsïni jarhuatasïndi tekaantani uandanhiateechani
Ini últimu jurhiatikuechani jimbo iáminduechachi jatsiasïnga kʼérati uandanhiateechani. Ka ménichanchi ísï exesïnga enajkichi nóteru uaaia tekaantani. Peru engachi no jurajkuska kurhakuni Tata Diosï Jeobani eskajtsïni jarhuataaka, uaakachi tekaantani asta imani ambe enga kánikua no sési pʼikuastpejka (Is 43:2, 4). Engajtsï chá no sési nitamakuarhini jaka, ¿ambeksïni jarhuataa sánderu andarhierani Tata Diosïni?
Kómarhini Tata Diosïni. Engachi uénhekuarhiska Tata Diosï Jeobani jingoni, imajtsïni íntskuati pínandikua ka uinhapikua parachi úni tekaantani (Flp 4:6, 7; 1Te 5:17).
Tánguarhikuecharhu nirani. Ini jurhiatikuechani jimbo sánderuchi uétarhinchasïnga informasioni enga Bibliarhu pʼitakata jaka ka jarhuajperata engajtsïni juchaari erachiicha íntskujka tánguarhikuecharhu (Eb 10:24, 25). Engachi sési prepararikuarhijka para tánguarhikuecha, engachi nirajka ka engachi komentarijka, sésichi úrani jarhasïnga espiritu santuni engajtsïni Tata Diosï Jeoba íntskujka (Jaŋ 2:29).
Aianhpini. Engachi jánguarhintaska xáni eskachi xáni uaaka seguiriini aianhpini, sánderu fásiliuati eskachi ambakiti ambe eratseni jauaka. Ístu, engachi aianhpini nirajka sánderuchi sési pájperasïnga Tata Diosï Jeobani jingoni ka juchaari erachiicha jingoni, jimbokachi májku kʼéri ánchikuarhini jarhasïnga imeecha jingoni (1Ko 3:5-10).
ENGAJTSÏ EXEAKIA BIDEUNI JEOBAKINI KAMANHARHIATI, MÓKUANTA JE ARINI KURHAMARHIKUECHANI:
¿Ambe ka ambe jarhuataspi Maluni paraka no jurajkupiringa Tata Diosï Jeobani?
Májkueni eska Malu, ¿nénajtsïni sési pʼikuastantasïni ambe enga arhijka Salmo 34:18?
¿Nénajtsïni xarhatachesïni Malueri ejemplu eskajtsïni Tata Diosï Jeoba íntskusïnga “uinhapikua enga xáni kʼéri ambeeka” jiáni engachi no sési ambe nitamakuarhijka? (2Ko 4:7).