Mintsika je Tata Diosï Jeobaeri ambakiti uékperakuani

Para Tata Diosï Jeoba, chájtsï kánikua jukaparhakueska (Is 43:4). Ka imeeri jarhuajperata jimbo, chájtsï úskia imeeri amigueni ka imeeri kúnguarhikuarhu jarhani. Jimbokajtsï chá aiakukuarheskia ka itsï atakuarhini, iásïjtsï Tata Diosï Jeobaeriskia. Ísï jimboksïnisï ima kánikua kuidarijti, asta jiáni engajtsï kánikua no sési nitamakuarhini jarhajka ka imeeri kúnguarhikua jimboksïni xarhatachesïndi imeeri ambakiti uékperakua (Sl 25:10).

Engachi exejka na enga Tata Diosï Jeobaeri kúnguarhikua jarhuataajka imani erachichani engaksï no sési nitamakuarhijka desastre naturalicha jimbo, sánderuchi jukaparharasïnga Tata Diosï Jeobaeri ambakiti uékperakuani.

ENGAJTSÏ EXEAKIA BIDEUNI AMBE ENGA ÚJKA GRUPU ENGA JARHUAJPERATA ÍNTSPIJKA (2019), MÓKUANTA JE ARINI KURHAMARHIKUECHANI:

• 

  ¿Néna preparariuaski Grupu enga Jarhuajperata Íntspijka iámindu Betelichani paraksï míteni ambe úni jiáni enga úkuarhiaka ambe ma?

• 

  ¿Ambe úspi Tata Diosï Jeobaeri kúnguarhikua para jarhuajpeni Indonesia ka Nigeria ka paraksï arhiani ambe engaksï úpiringa úni?

• 

  ¿Ambeksïni sánderu ísku pakataski ambe enga xáni úkia Tata Diosïri kúnguarhikua pʼamenchakua COVID-19 jimbo?