5-11 DE AGOSTU

SALMOS 70-72

Pirekua 59 ka kómarhikua | Uandakuecha para ueenani (1 min.)

JUKAPARHAKUA AMBE BIBLIERI

1. Aiangua na enga xáni uinhapika Tata Diosï imeechani engaksï tátsekua irekaaka

(10 min.)

Jiáni enga Dabidi tumbiipka, exespti eska Tata Diosï Jeoba kuájchakuspka (Sl 71:5; w99-S 1/9 páj. 18 párr. 17).

Jiáni enga Dabidi kánikua jatiriipkia, exespti eska Tata Diosï Jeoba jarhuataspka (Sl 71:9; g04-S 8/10 páj. 23 párr. 3).

Dabidi aianguasïreendi ambe enga xáni nitamanchapka imeechani engaksï sapichku japka para uinhaperaantani (Sl 71:17, 18; w14-S 15/1 páj. 23 párr. 4, 5).

Familia ma enga arini partirhu uéraka “Ambe engaksïni jarhuataaka sánderu tsitini familieri jorhenguarhikuani”. Pʼímarhistiksï temungurhirini ma engaksï jatiriikia paraksï imeecha jingoni jarhani familieri jorhenguarhikuarhu. Kánikuaksï tsitixati kurhaani ambe engaksï i temungurhiri aianguani jaka ka exeaxatiksï máru fotuechani.

KURHAMARHIKUARHI JE: “¿Jarhaski erachi ma enga ióni páni jakaia marhuakuni Tata Diosï Jeobani ka engani tsitipiringa kurhamarhini ambe ma familieri jorhenguarhikuarhu?”.

2. Jukaparhakua ambe

(10 min.)

Sl 72:8. Jiáni enga Salomóni juramuni japka, ¿néna niáraspi ísï úkuarhini ambe Tata Diosï Jeoba aiakupka Abraánini Génesis 15:18 jimbo? (it-1 páj. 883).

Mókuntskua
¿Ambe jukaparhakua ambejtsï jorhenguarhiski Biblieri arhintskuarhu i semaneeri?

Mókuntskua

3. Biblieri arhintskua

(4 min.) Lu 18:24-43 (th jorhenguarhikua 5).

JU JE SÁNDERU AMBAKITI JORHENTPIRICHEENI

4. Ueena je uandontskuarheni

(3 min.) KʼUMANCHIKUECHARHU. Enga kʼuiripu ueenaaka chánksïni jingoni arhirperani, respetu jingoni kʼamarhuku je ka kéndikurhi je (lmd jorhenguarhikua 4 puntu 5).

5. Pʼorhembintani

(4 min.) NANI UÉJKISÏ AIANHPINI. Ménderu ueena je uandontskuarheni chaari parienti ma jingoni enga no káni uékani jaka Biblieri ambe jorhenguarhini (lmd jorhenguarhikua 8 puntu 4).

6. Uandanta je ambe engajtsï jakajkujka

(5 min.) Arhijtsïkperata ijwfq 49. Títulu: ¿Andiksïsï Jeobaeri testiguecha mójtaku máru ambe engaksï jakajkuenga antesi? (th jorhenguarhikua 17).

KRISTIANUECHEERI IREKUA

Pirekua 76

7. Ambe engajtsï uaaka úni familieri jorhenguarhikuarhu

(15 min.) Para kúnguarhikua jingoni exeni.

I mismu familia pirexatiksï Reinueri pirekua ma.

Familia májku kʼériksï exexati programani JW Broadcasting.

Familieri jorhenguarhikuarhu, naandi ka imeeri uájpa ensaiarixatiksï ambeksï úpirini úni enga ambe ma meru niáraska ísï úkuarhini.

Familieri jorhenguarhikua jimbo sapiichaksï kánikua agradeseriisïndi engaksï arhistaminhajka ka jorhendanhajka ísï eska Tata Diosï Jeoba na uéjka (Éf 6:4). Para jorhendani uétarhisïndi kánikua jánguarhintani, joperu ístu jánguarhintani parakaksï sapiicha no kuatantaaka ka sánderia jiáni engaksï imeecha kánikua tsitijka Biblieri ambe jorhenguarhini (Jn 6:27; 1Pe 2:2). Uanda je máru ambe rekuadrueri “Ambe engajtsï uaaka úni familieri jorhenguarhikuarhu”. Jimini, taatiichaksï exeati ambeksï uaa úni para iámu familia sési pʼikuarherani ka ístu paraksï jorhenguarhini ambe ma. Tátsekua, kurhamarpi je:

Ambe enga rekuadrurhu uandajka, ¿ambejtsï tsitipirini úni?

Mókuntskua
¿Jarhaski máteru ambe engaksïni chánksïni kánikua marhuachekia?

Mókuntskua

AMBE ENGAJTSÏ UAAKA ÚNI FAMILIERI JORHENGUARHIKUARHU

BIBLIA

Uaakajtsï audiu jimbo kurhandini Biblieri arhintskua semaneeri, o turnarikuarhi je parajtsï arhintani ka eskajtsï iáminduecha kurhandiaka. O ísï arhinta je enajki chá jindeepirini Biblieri personaji ma.
Uaa je kurhamarhikuechani para Biblieri arhintskua semaneeri, ka eska mándani familiarhu anapu erakuaka kurhamarhikua ma ka jirinhantani sánderu informasioni ka tátsekua iáminduechani aianguani ambe enga jorhenguarhika.
Kurhamarhia je ambe ma o arhia je eska úkuarhiska ambe ma, ka eskaksï iáminduecha jirinhantaaka indeeri ambe librurhu Biblieri karakateecha para kristianuecheeri irekua, ka exeni nénaksïni úpirini marhuacheni.
Imeecheeri ambe jukanta je enga Biblia uandaajka ka ú je ambe engaksï imeecha úpka.
Mándani semana, uaakajtsï pʼitani tekstu ma apendise A jimbo foieturhu Xénchaa je kʼuiripuechani: Jarhuataa je Jesúsiiri chúxapatiini, ka sïranda sapichu ma jimbo kara je ka memoria jimbo jorhenguarhini. Ka tátsekuajtsï uaaka ménderu exeani indeni sïrandeechani engajtsï máteru semana jimbo uaapka.
Exe je jorhenguarhikua ma o máru puntuechani librueri Tsípikua jingoni ireka je.
Ari je chaari familieri anapuni ma eskaksïni aianguaka ambe enga jorhenguarhika temeeri ma ini parti jimbo “Kurhamarhikuecha enga Biblia mókuantaajka” o “Ambe engaksï arhikuekajka Biblieri karakateecha,” engaksï ixú jaka “BIBLIERI JORHENGUARIKUECHA”, jw.org jimbo.

PARA TÁNGUARHIKUECHARHU

Prepararikuarhi je ma parti jingoni.
Exe je ambejtsï úpirini komentarini ka exe je na enga xáni durariijka chaari komentariu.
Jorhenguarhia je Reinueri pirekuechani.
Máteru tánguarhikua jimbo, eratsi je nénajtsï úpirini uinhaperantani nemani ka ensaiari je.
Enga nema jatsika parti ma, uaati familia japarini ensaiarini.

AIANHPIKUARHU

Exe je nénajtsï úpirini aianhpini kʼumanchikuecharhu.
Prepararikuarhi je néna pʼorhembintani kʼuiripuni ma.
Eratsi je nénajtsï úpirini aianhpini nani uéjkisï ka nénajtsï ueenapirini uandontskuarheni.
Uandontskuarhi je ambejtsï úpirini úni parajtsï sánderu uérani aianhpini imani tiempu jimbo ante dechi miántani tata Jesukristueri uarhikuani o bakasioniicha jimbo.

AMBE ENGA FAMILIA UÉTARHINCHANI JAKA

Exe je ambejtsï úpirini úni enga i ambe úkuarhipiringa: politika ambe jarhani, engaksïni bullying úchipiringa, enga familiarhu anapu ma mítperani jaka nema jingoni, o kʼuínchikua ambe jimbo.
Sapiichaksï inbestigariisïndi tema ma. Tátsekua, uandontskuarhesïndiksï taatiicha jingoni paraksï kurhangutaraani indeni temani. Ka uaatiksï ísï úni enajkiksï sapiicha jindeepirini taatiicha.

MÁTERU AMBE ENGAJTSÏ UAAKA ÚNI

Exe je programani JW Broadcasting® ka uanda je ambe engajtsï jorhenguarhika.
Arhinta je artikulu ma o exe je bideu ma jw.org jimbo ka uandontskuarhi je indeeri ambe.
Exe je tema ma enga ini parti jimbo jaka “Tumbiicha”” o “Sapiicha””, jimini ní je enga arhijka “BIBLIERI JORHENGUARIKUECHA”, jw.org jimbo.
Exe je ambe engajtsï karapka kʼéri tánguarhikua ma jimbo.
Exe je o inbestigari je kueraakateeri ambe ka uanda je ambeksïni jorhendasïni Tata Diosï Jeobaeri ambe.
Ménisï, pʼímarhi je erachini o pirenchi ma ka kurhamarhikuechani úkua je.
Exe je ambe ka ambejtsï uaa úni parajtsï sánderu marhuakuni Tata Diosïni ka jánguarhinta je ísï úni.
Iáminduecha jarhuajpera je parajtsï Noéri arka ma úni, mapa ma exeni, o máteru ambe.

Jatsiku je BIDEUNI Jánguarhintani ja je parajtsï sánderu sési úni chaari familieri jorhenguarhikuani. Ka kurhamarpi je:

¿Ambe uaa úni acheeti paraka témba tsitiaka familieri jorhenguarhikuani jiáni engaksï sapiicha nóteru imeecha jingoni irekani jauakia?

Mókuntskua

8. Biblieri jorhenguarhikua kúnguarhikua jingoni

(30 min.) bt kap. 13 párr. 17-24.