Ambe engajtsï uaaka jorhenguarhini

Jorhenguarhi je máteru ambe Tata Diosï Jeobaeri sési járhati kualidadicheeri ambe

Engachi arhintani jauaka Bibliani, uaakachi sánderu ambe inbestigariini ima ambeeri engachi arhintani jauaka parachi sánderu sési kurhanguni. Peru nóchi uaaka indeni ambe nomasi para uánikua ambe míteni, sánderu sési uékasïngachi sánderu sési míteni Tata Diosï Jeobani, ka i ambejtsïni jarhuataati sánderu xénchani. Ka parachi ísï úni, ju je kurhamarhikuarhini: “¿Ambejtsïni jorhendasïni Tata Diosï Jeobaeri ambe i karakateecha?”.

Pori ejemplu, uaakajtsï sánderu informasioni jirinhantani enga uandajka na enga Tata Diosï Jeoba xarhatajka uékperakua, na enga xáni jánhastiika, jurhimbikua jingoni úni ambe ma ka na enga xáni uinhapitiika. Peru Tata Diosï ístu uánikua máteru sési járhati kualidadiichani jatsiasti. ¿Nanichi uaa exentani sánderu informasioni inde kualidadicheeri ambe?

Índice de las publicaciones Watch Tower exentaakajtsï jukari 50 kualidadiichani enga Tata Diosï Jeoba xarhataajka. Jaiasku je jima enga arhijka “Jehová” ka tátsekua jima enga arhijka “Cualidades por nombre”. Exe je náki kualidadi terukuntasïni imani ambe jingoni engajtsï arhintani jaka, ka tátsekua arhinta je indeni informasionini enga inde kualidadiiri ambe uandajka (engajtsï solu uaaka jirinhantani ixú Guía de estudio para los testigos de Jehová, incha je jimini enga arhijka “Jehová” ka tátsekua “Cualidades de Jehová”).