¿Niáraa ma jurhiani engaksï iámindu kʼuiripuecha májkueni kánhaaka? | ¿Ambe uandasïni Biblia?

Para uánikua kʼuiripuecha, kánikua úkua jukaasti eratseni eska ma jurhiani iámindu kʼuiripuecha májkueni kánhaaka.

•  “Engaksï kʼuiripuecha kʼéramakuarhijka jimbokaksï ma lugari anapueska, inde ambe úsïndi eska eskuelecharhu ka máteru naniisï, kʼuiripuechaksï no uaaka sési pájperani. Ka inde ambesï újti eskaksï kʼuiripuecha no májkueni kánhaaka” (António Guterres enga jindeeka secretario general de las Naciones Unidas).

¿Niáraa ma jurhiani engaksï iámindu kʼuiripuecha májkueni kánhaaka? ¿Ambe uandasïni Biblia?

Na enga exeajka Tata Diosï iámindu kʼuiripuechani

Biblia uandasïndi na enga exeajka Tata Diosï kʼuiripuechani engaksï mámaru iretarhu anapueka.

•  “Ka májku iurhiri jimbo kueraasti iámindu kʼuiripuechani parakaksï irekapiringa iápuru parhakpinirhu” (Ukuecha 17:26).

•  “[Tata] Diosï no nani kʼuetsapesïndi, sino eska jaiapanhentasïndi nákinterku ma nasioni anapu kʼuiripuni enga janhanharhijka imani ka sési [ambe] úni” (Ukuecha 10:34, 35).

Biblia uandasïndi eskachi iáminduecha májku familiarhu anapueska ka eskajtsïni Tata Diosï iáminduechani sési exesïnga no arhiparini nani uéjkichi anapueni.

Ambe uaa eskaksï iáminduecha májkueni kánhaaka

Tata Diosïiri Reinu, gobiernu ma enga auandarhu jaka, uaati eskaksï iáminduecha májkueni kánhaaka. I gobiernu, jorhendauati kʼuiripuechani paraksï sési kaani iáminduechani. Kʼuiripuechaksï sánhani arhiati nóteru no sési exeania máteruechani, eskaksï na pʼindepka.

•  Echerirhu, “kʼuiripuechaksï jorhenguarhisïndi sési jámani” (Isaías 26:9).

•  “Ka enga jurhimbikua jingoni úkuarhiaka iámu ambe, pínandikua jauati, sési pʼikuarherakua ka nóteru méni chétapu jingoni irekanhaati” (Isaías 32:17).

Ini jurhiatikuecha jimbo, uánikua kʼuiripuechaksï jorhenguarhixatiia néna sési kaani máteruechani ka janhanharhiani.

•  Engajtsï uéjka sánderu ambe míteni, arhinta je rebistani ¡Tsínharhi! enga arhinhajka “¿Niáraa ma jurhiani nóteru menusi újperanhania?”.

•  Engajtsï uéjka míteni nénaksï uaa taatiicha iiri ambe uandontskuarhekuani uájpeechani, arhinta je artikuluni “¿Cómo hablar con sus hijos sobre el racismo?”.