¿Jakajkusïnksï Jeobaeri testiguecha eskaksï imajkusï pʼímutantskateuaka?

Nómbe. Miioni kʼuiripu enga ióntki irekapka ka enga no Jeobaeri testiguepka intsïnhaatiksï sésikua para pʼímutantskateni. Biblia arhisïndi eskaksï jimbanhi parhakpinirhu enga Tata Diosï eiatspijka “tsíntaaka uarhiricha ima engaksï ambarhatiika, ka ístu ima engaksï malueka” (Ukuecha 24:15). Ístu, útasï uánikua kʼuiripu jarhasti enga uáka uénani marhuakuni Tata Diosïni ka pʼímutantskateni. Ka juchachi no jatsiska sésikua para uandani né pʼímutantskateua ka né nómbe. Ima enga jusgariauaka kʼuiripuni jindesti Jesukristu (Juanu 5:22, 27).