¿Jakajkusïnksï Jeobaeri testiguecha ambe enga kreasionismu jorhentpijka?

Nómbe. Nájkirukachi Jeobaeri testiguecha meru jakajkujka eska Tata Diosï kueraaska iámindu ambe, nochi jakajkusïnga ambe enga kreasionismu jorhentpijka, (eska Tata Diosï seisi jurhiatikua úraspka beintikuatru oraeri para kueraani echerini). ¿Andisï nómbe? Jimbokaksï jarhaska máru jorhentperakuecha kreasionistecheri engaksï no terokuntajka imani ambe jingoni enga Biblia jorhentpijka. Ju je exeni tsimani ejempluechani.

1. Na engaksï xáni duraripka seisi jurhiatikuecha para kueraani ambe ma. Máru kreasionistechaksï uandasïndi eska mándani jurhiatikua ima seisiri enga Tata Diosï úraapka para kueraani echerini beintikuatru oraerispkaksï. Peru Bibliarhu, uandakua jurhiatikua úsïndi sánderu kánikua tiempuni arhikuekani (Génesis 2:4; Salmo 90:4).

2. Na enga xáni ióni jakaia Echeri. Máteru ambe engaksï jakajkujka kreasionistecha jindesti eska nótki iónisïnga enga Echeri kueraanhaka. Peru Biblia uandasïndi eskaksï Echeri ka unibersu, tʼuini jarhaspkia antesi de ima seisi jurhiatikuecha engaksï úrakuarhipka para kueraani iámindu ambe ixú echerirhu (Génesis 1:1). Ini ambe jimbo, Testiguechachi jiókuarhisïnga ambe engaksï uandajka sientifikuecha engaksï mintsinharhikueka, eska úpiringa uánikua miioni uéxurhininia enga echeri jakaia.

Nájkirukachi Jeobaeri testiguecha jakajkujka eska Tata Diosï kueraaska iámindu ambe, nochi no jiókuarhisïnga ambe enga siensia uandajka. Ka seguruchi jarhaska eska ambe enga Biblia jorhentpijka terokuntasïnga imani ambe jingoni enga siensia uandajka.