Tánguarhisïngachi bideoiamada jimbo

Uánikua paisicha jimbo juramutichaksï arhiaspti k’uiripuechani eskaksï no xáni májku k’éri japiringa ka eskaksï nóteru tánguarhintapiringia. Jeobaeri testiguechachi uékasïnga kurhajchani juramutichani peru no jurajkuparini tánguarhini. Ísï jimbo, máru kúnguarhikuechaksï úraxati aplikasionichani para tánguarhintani bideoiamada jimbo komu Zoom.

Parachi seguirini tánguarhintani eskachi na úni japka, Grupu enga Orhejtsïkuajka iámindu kúnguarhikuechani sési exespti para úrani imani sentabu enga íntspinhajka, paraksï piánhani Zoomiri kuentecha parakaksï kúnguarhikuecha seguirini jauaka tánguarhintani. I ambe kánikua jarhuatasti máru kúnguarhikuechani engaksï no ueenga maiampini 15 o 20 dolarisï o sánderu jamberi eska na xáni jukaparhapka i kuentecha. I kúnguarhikuechaksï úraxapti aplikasionichani engaksï gratisipka engaksï no jiarhitenga para uánikuecha konektarikuarhini ka nóksï xáni segurueni. Iámindu kúnguarhikuecha engaksï úrajka Zoom kuenta ma enga Jeobaeri kúnguarhikua maiampijka, úsïndi eskaksï seguru konektarikuarhiaka ka uánikua kʼuiripuechaksï úsïndi konektarikuarhini májku tiempu jimbo. Asta iásï jamberi jukari 65,000 kúnguarhikuecha jukari 170 paisicha jimboksï úraxati i kuentechani.

Kúnguarhikua Kairagi, enga Manado jaka jini probinsia de Célebes Septentrional, Indonesia, nóteruksï úraxatiia aplikasionini enga gratisika, iásïksï úraxatiia kuenta ma Zoomiri enga Jeobaeri kúnguarhikua íntsaani jaka. Erachi Hadi Santoso uandantasïndi: “Asta ima erachicha engaksï no kánikua mítekuka teknolojieri ambe uaatiksï no tsïtakuarhiani tánguarhikuechani. Sánderuia jimbokaksï no jatsisïnga para uéntani ka ménderu konektarikuarhintani para tánguarhikuecha”.

Lester Jijón, uájpa, orhejtsïkuti ma Guayacanes Oesterhu kúnguarhikuarhu anapu jini Guayaquil, (Ecuador), uandasïndi: “Komu erachicha no kánikua sentabu jatsika, úkua jukapirindi eskaksï uánikua kúnguarhikuecha úpiringa maiampini kuenta ma Zoomiri, enga úpiringa eska iámindu kúnguarhikua úpirindi konektadu jarhani májku tiempu jimbo. Iásï Jeobaeri kúnguarhikueri jarhuajperata jimbo, jatsiskachi ma kuenta Zoomiri enga újka eskachi uánikuecha uaaka konektarikuarhini májku tiempu jimbo. Ísï jimbo, nochi chésïnga sánderu kʼuiripuechani pʼímarhiani para tánguarhikuarhu”.

Johnson Mwanza, erachi ma kúnguarhikuarhu Norte Ngwerere anapu, enga Lusaka jaka jini Zambia, karasti: “Mémindu uánikua erachichajtsïni arhistia: ‘Zoom enga Jeobaeri kúnguarhikua maiampijka úsïndi eskachi exejperaaka juchaari erachicha jingoni ka ístu pʼikuarherani na engajtsïni xáni xénchajka Tata Diosï Jeoba’”.

Sentabu enga úrakuarhejka para ini kuenta piáni Zoomiri jima uérasti engaksï úrajka para jarhuajpeni jimeesïsï enga no sési ambe úkuarhijka. I sentabu jima uérasti enga íntspinhajka para ánchikuarhita enga interu parhakpinirhu úkuarhijka. Ka uánikuecha engaksï íntspijka sentabu donate.jw.org jimboksï íntspisïndi, kánikua diosmaiamu je chaari sentabu jimbo engajtsï íntspijka ka enga ístu úrakuarhejka para máteru nanisï enga no sési ambe úkuarhijka parhakpinirhu (2 Korintu 8:14).