NÉNACHI UÁ NO XÁNI UANDANHIANI

Ambe enga újka eskachi uandanhiauaka

Sáno iámindu kʼuiripuecha engaksï kʼératikia “sánhani arhixatiksï sánderu uandanhiani. Ini tiempu jimbo, ma repentku mójtakurhisïndi ambe ma ka nóchi jánhaskani ambe úni”, ísï uandasïndi Clínica Mayo enga mítekateka jini Estados Unidos. Máru ambe enga újka eskachi uandanhiauaka jindesti:

diborsiu ambe
engachi uarhirakuarhijka nemani
kʼéri pʼamenchakua ma
engachi no sési ambe úkuarhinchajka
no sési kámberakua ambe
engachi kánikua úkua ambe jatsijka
enga kʼuiripu no sési ambe újka o enga no sési jánhaskuarhijka naturalesi jimbo
engajtsïni afuersa uékajka úrani ambe ma eskuela o ánchikuarhitarhu
ánchikuarhita o tumina jimbo

SAPIICHAKSÏ NIÁRASÏNDI UANDANHIANI

Iásï, astaksï sapiicha jamberi niárasïndi uandanhiani. Máruksï no sési kánhasïndi eskuela, nóksï kuenta únhani kʼumanchikuarhu oksï atanhani, no sésiksï arhinhani o nema ikichakueni jásï ambe úkuani. Uánikuaksï niárasïndi uandanhiani eskuelarhu anapu eksamenicha ka kalifikasionicha jimbo. Máteruksï exesïndi na enga diborsiu jimbo imecheri familia nóteru májku kʼéri jarhajkia. Sapiicha engaksï jukari uandanhiajka, no sési jásï ambeksï tsánharhisïndi, nóksï úsïndi sóntku jorhenguarhini ambe ma, kómu pʼikuarherani oksï jarhariani máteruechani. Máruksï no ma ambe úsïndi úni paraksï no ísï pʼikuarherani. Sapiicha engaksï jukari uandanhiajka, uétarhinchasïndiksï eskaksï sóntku jarhuatanhaaka.