2. ¿Jucha mismu úsïni eskachi kómu nitamakuarhiaka?
¿Andisï jukaparhakue míteni?
Engachi jucha jirinhakuarhipiringa kómu nitamakua ambe, jiájkanchi úpiringa ambe ma úni parachi nóteru xáni kómu nitamania.
Eratsi je arini ambe
¿Na xánchi jucha mismu úsïni eska ari ambe úkuarhiaka enga újka eska kómu nitamakua ambe jauaka?
No sési kámberakua
Organización Mundial de la Salud (OMS) uandasïndi eska mándani tʼámu kʼuiripu kʼératicha jimbo ma kʼuiripu niáraska no sési kánhani jiáni enga sapi máepka, ka eska mándani tanimu nanakecha jimbo ma nanaka niáraska ma tiempu jimbo no sési kánhani o ikichakueni jásï ambe úminhani (o i tsimani ambe).
Engachi uarhiranchajka nemani
Seguni Estadísticas sanitarias mundiales 2018 (inglesi jimbo) OMS aianhpisti eska uéxurhini 2016 jimbo niáraska 477,000 kʼuiripuecha uándikunhani interu parhakpinirhu. No kuenta úpariani ma 180,000 kʼuiripuechanisï engaksï ini mismu uéxurhini uarhika guerrecharhu o máteru ambe jimbo.
Pʼamenchakuecha
Karakatarhu ma rebisteri National Geographic, uarhiiti karari ma enga Fran Smith arhinhajka, uandasïndi eska parhakpinirhu, jukari 1,000 miioni kʼuiripuechaksï itsutasïnga ka eska tabaku jindeska ma ambe jimbo engaksï kʼuiripuecha sánderu uarhijka, por ejemplu, mintsita anhaxustani jámani, kamatsïtarhu no sési ambe úkuarhinchani ka kánseri pʼirani pulmonicharhu.
Nóksï iáminduecha májkueni kánhani
Uarhiiti ma enga Jay Watts arhinhajka ka enga kʼuiripuecheri eratsekua ambe estudiarijka, uandasïndi: “No jatsikuarhikua ambe, engaksï no iáminduecha májkueni jatsikuarhijka tumina, no kúrhiani imechani engaksï máteru jásï kolorika, no jukaparharaani tatakechani o nanakechani, sánderu kʼéri pʼikuarherani máteruecha jingoni, kʼumanchikuarhu chútanhani i ambe úsïndi eska nema niáraaka no nani máru pʼikuarherani, uandanhiani o kómu pʼikuarherani”.
PARAJTSÏ SÁNDERU MÍTENI
Exe je pájinarhu jw.org bideuni ¿Andisï kueraa Tata Diosï Echerini?
Ambe enga Biblia uandajka
Enga xáni kómu nitamakua ambe jaka jindesti jimboka sáno méntkisï kʼuiripu niárasïnga úni eska i ambe úkuarhiaka
Sáno iámindu i ambe jindesti jimbokaksï gobiernuecha úsïnga eska kʼuiripu no uáka sési irekani.
“Kʼuiripu juramukusïndi máteru kʼuiripuni solu para no sési ambe úkuni” (ECLESIASTÉS 8:9).
Uákachi no xáni uandanhiatechani jatsiani
Ambe enga Biblia uandajka jarhuatasïndijtsïni no xáni pʼamenchani ka eskachi sánderu sési pájperaaka máteruecha jingoni.
“Mintsita trankilu ma sési úkusïndi kuerpuni, peru selosueni tereraasïndi únichani” (PROVERBIOS 14:30).
“Ásteru ikiancha je, sino késtata je chári mintsitecharhu iámindu ikiakua, ka kurhurjaxekua, ka uinhachatsperakua ambe ka arhinchperakua ka iámindu ambe engajtsï jimbo no sési útsperakuekajka” (EFESU 4:31).