Néna orhepani uérani parhakpinirhu ma enga xáni no sési jánhaskuarhini jaka
¿Kánikuajtsï no sési nitamakuarhixaki xáni no sési jásï ambe jingoni enga parhakpinirhu úkuarhini jaka? ¿Úkuarhixaki ari ambe jimeesïsï enga chá irekaka?
Uarhiperakuecha
Kʼérati pʼamenchakuecha
Desastresi naturalicha
No jatsikuarheni sentabu
Engaksï máteruecha no sési exenhajka
Atajperakua ambe
Enga no sési jásï ambe úkuarhijka, uánikua kʼuiripuechaksï no jánhaskasïndi ambe úni ka máteruechaksï no nani máru pʼikuarherasïndi. Joperu ísï jarhani, úsïndi eska ambe ma no sési uéraaka.
Enga no sési jásï ambe úkuarhijka, jukaparhakuesti eskajtsï uaaka ambe ma parajtsï no xáni pʼamenchani, sési úrani sentabuni, seguirini sési pájperani imeecha jingoni engajtsï xénchaajka ka parajtsï úni tsípikua jingoni irekani.
¿Ambejtsï uaa úni paraksïni no xáni no sési úchini ambe enga úkuarhini jaka parhakpinirhu?