Jucha néna ua mítini Tatá Diosïni

Enga jucha arhintaka Bibliani jucha uáka mítini Tatá Jeobáni. Iónistia enga Tatá Diosï erhakuapka máru achamasïchani parakaksï karapiringa imeri eratsikuechani. Indeksï karakatecha isï mítikuaresti komueska Biblia. Jucha iásï uáka mítini Tatá Diosïni, arhintaparini Bibliani. Ari jukanharisti Tatá Jeobéri uandakua, o imeri aianhperakua, ka indeni jimbo mítekuaresti eska Tatá Diosïri uandakueska. Jucha uáka jakajkuni ambe enga Biblia uandajka, jimboka Tatá Jeobá no méni chikuanderasïnga. Tatá Diosï nomindu úsïndi chikuanderani (Ebreu 6:18). Tatá Diosïri karakata jukanharisti ambe enga jurhimbikueka (Juanu 17:17).

Tatá Diosïjtsïni íntskusti máteru intsïmperakua, enga kánikua jukaparakueka enga jindeka Biblia. Isïsti eska ma karakata enga ma tátemba uékpiti karakuajka imeri uájpechani. Aiangusïndijtsïni Tatá Diosïri aiatsperakuani, eska ima mójtakuaka ini parakpinini sesi jándekua ma jimbo, enga jucha uáka irékani. Aianhgusïndijtsïni ambe enga úpka ióntki, ambe enga uni jaka iásï ka ambe enga uáka jima sánderu orepatini para imeri uájpecha engaksï no méni jurajkuaka. Istujtsïni jarhuatasïndi néna orepani uérani uandanhiatechani jingoni ka néna uni exentani tsípekuarita (2 Timoteo 3:16, 17).

Engaksï Jeobéri ambe uandantajka Tatá Diosïri pʼíchpirichestiksï ka imaksïni jarhuauati kurhanguntani ambe enga Biblia jorhentpijka. Enga cha uéjka jorhenguarhini Bibliari ambe, uandontskuari je imechani jingoni. Noksïni ma tumina kurhachiati engaksïni jorhendani jauaka (Mateu 10:8). Istu, cha uáka nirani tánguarhikuecharhu, imani kʼumanchikuani jimbo engaksï tánguarhijka imecha engaksï Jeobéri ambe uandantajka. Enga cha tánguarhiaka imechani jingoni, cha sánderu sóntku mítiaka Tatá Diosïri ambe.

Jucha uáka mítini Tatá Diosïni, eratsiparini ambe enga ima kueraaka. Biblia uandasïndi eska Tatá Diosï kueraaska auandani ka echerini (Ukuecha 14:15). Enga Tatá Jeobá kueraapka «auandani» istu, kueraaspti jurhiatani. Jimajkani, ¿ambejtsïni jorhendasïni inde Tatá Diosïri ambe? Eska Tatá Jeobá kánikua uinhapikua jatsiska. Imajkumindu úspti uni Jurhiatani enga xani uinhapitika. Istujtsïni exerasïndi eska Tatá Jeobá kánikua mímisïtiska, jimboka para Jurhiatani kueraani mímisïkua uétaresïnga. Jurhiata íntskusïndijtsïni tsándani parajtsïni jorheperhantani ka no méni pátakuaresïndi.

Ambe enga Tatá Jeobá kueraaka xarhatasïndi eskajtsïni uékasïnga. Eratsi je mámaru jasï ámanhenchakuechani enga echeri ínspejka. Jeobájtsïni úpirindi íntskuni májku jasï ámanhenchakua, o noma. Joperujtsïni íntskusti mámaru jasï ámanhenchakuechani enga no májkueni jámarajka. Inde ambe xarhatasïndi eskajtsïni Jeobá uékasïnga, ka istu eska kʼéri intsïmpiti maeska ka kánikua ambakiti maeni (Salmo 104:24).