UEENA JE UANDONTSKUARHENI
JORHENGUARHIKUA 2
Ísï uandontskuarhi je eskajtsï na uandajka
Tekstu: “¡Ka xáni enga sésiika uandakua ma jiáni enga meru uétarhini jarhajka!” (Prov. 15:23).
Ambe enga úpka Felipe
1. Exe je BIDEUNI o arhinta je Úkuecha 8:30, 31. Tátsekua exea je arini kurhamarhikuechani:
¿Felipe néna ueenaspi uandontskuarhekuni?
¿Andisï sési japi na enga ueenapka uandontskuarhekuni ka tátsekua aiangunia jurhimbikueri ambe?
¿Ambejtsïni jorhendasïni Felipeeri ejemplu?
2. Engachi sési uandontskuarheni jauaka kʼuiripu ma jingoni, jamberi ima sési pʼikuarheraati ka uékaatijtsïni kurhajchani.
Májkueni ú je eska Felipe
3. Jánguarhinta je iámindu ambe exeni. Ambe xarhataxaki kʼuiripu na enga nínharhini jaka ka na enga manakuarhini jaka. ¿Xarharasïni eska uékasïnga uandontskuarheni? Ma ambe engachi uaaka úni para ueenani uandontskuarheni Biblieri ambe, jindeesti kurhamarhini: “¿Mítespijtsï eska...?”. Enga nema no uékaaka uandontskuarheni, asï afuersa uandontskuarheku je.
4. Tekaantsï je. Asï eratsi je eskajtsï jatsiska para jirejiresï ueenani uandontskuarhekuni Biblieri ambe. Erokuarhi je máteru jurhiatikua ka jamberi engajtsï exeaka, tʼuintsï uandontskuarhekuni jauakia Biblieri ambe.
5. Adaptarikuarhi je. Jamberi kʼuiripu máteru ambeeri uékaati uandontskuarheni ka no imeeri ambe enga chá eratseni japka. Ísï jimbo, iásïjtsï máteru tekstu úraakia enga jarhuataaka kʼuiripuni imeeri uandanhiateechani jingoni.
ÍSTU ARHINTA JE
Ecl. 3:1, 7; 1 Kor. 9:22; 2 Kor. 2:17; Kol. 4:6