Jorhenguarhi je néna sánderu sési aianhpeni: Uéna je uandontskuarhini parajtsï jamberi predikarini

Jesusi úspti predikarikuni samaritanani ma, jimboka uénaspka máteru amberi uandontskuarhikuni. ¿Nénachi uá sánhani arhini pʼindeni uénani uandontskuarhini kʼuiripu ma jingoni engachi no mítika?

• Sési uandajpa je ka uandontskuarhi je kʼuiripu jingoni. Nájkiruka Jesusi kuataratini japka, uénaspti uandontskuarhini. ¿Néna úspi ísï úni? Jimboka solu itsï kurhajkuarhispka. Chájtsï uáka sési uandajpeni ka jamberijtsï klimeri ambe uénani uandani o imeri ambe enga iásï sáni úkuarhika. Ambe engachi uéjka úni, jindesti uénani uandontskuarhini, ísï jimbo, imeri ambe uéna je uandani enga kʼuiripu tsitiaka uandontskuarhini. Enga kʼuiripu no uékaaka uandontskuarhini, asï uandanhia je. Ménderu máteru kʼuiripu jingoni tsʼéjku je. Kurhaku je Jeobani eskaksïni íntskuaka balori (Ne 2:4; Uk 4:29).

• Listu ja je parajtsï aianhpini ambakiti ambe Reinueri, peru iatsitakuarhu ú je. Asï afuersa uéka je uandontskuarhini. Inde ambe uáti úni eska kʼuiripu no agustu pʼikuarheraaka ka eska nóteru uékaakia uandontskuarhini. Asï no sési pʼikuarhera je engajtsï kʼamaraaka uandontskuarhini ante dejtsï Jeobaeri ambe aianguni. Engajtsï úkua jukanchajka aianhpini, uákajtsï uénani uandontskuarhini no eratsiparini eskajtsï predikariuaka. [Jatsiku je bideu 1 ka exe je máru ambe kúnguarhikua jingoni].

• Jánguarhinta je jirinhakuntani néna predikarini, uandaparini ambe ma engachi jucha jakajkujka ka enga uáka eskaksïni kurhamarhiaka ambe ma. Inde ambesï úpti Jesusi, úspti eska samaritana uékapiringa sánderu ambe mítini ka uénaspti kurhamarhikuechani úkuani. Enga Jesusi Reinueri ambe aiangupka, solu mókukuntaxapti ambe enga samaritana kurhanguarhipka. [Jatsiku je bideu 2 ka exe je máru ambe kúnguarhikua jingoni. Tátsekua, májkueni ú je bideu 3 jingoni].