Sési kámpi je

Ambe enga úpka Jesúsi

BIDEU: Jesúsi tsinasïndi acheetini ma enga no újka exeni

1. Exe je BIDEUNI o arhinta je Juanu 9:​1-7. Tátsekua exea je arini kurhamarhikuechani:

1. ¿Ambesï orheta úpi Jesúsi: tsinani imani acheetini enga no ueenga exeni o uandontskuarhekuni Tata Diosïiri ambe? (Exe je Juanu 9:​35-38).

2. ¿Andisï acheeti uékapi Jesúsi jingoni uandontskuarheni?

¿Ambejtsïni jorhendasïni Jesúsiiri ejemplu?

2. Engachi jucha uandanhiauaka kʼuiripuni jimbo, jamberijtsïni sánderu uékaati kurhajchani.

Májkueni ú je eska Jesúsi

3. Kurhangutspi je. Jánguarhinta je kurhanguni na enga pʼikuarherani jaka kʼuiripu.

1. Kurhamarhikuarhi je: “¿Ambe uandanhiatani jaki? ¿Ambe uékaa kurhaani ka ambe marhuakua?”. I járhati kurhamarhikuechaksïni jarhuataati parajtsï meru pʼamojkuni kʼuiripuni.

2. Jingontku kurhajcha je. Engajtsï ísï úska xarhatakuakajtsï eskajtsï uandanhiasïnga imani jimbo. Engaksïni kʼuiripu ueenaaka uandontskuarhechini na enga pʼikuarherani jaka oksïni aianguni ambe enga uandanhiatani jaka, asï chá máteru ambe uandontskuarheku je.

4. Iátsitakuarhu uandontskuarheku je ka janhanharhikua jingoni. Engachi pʼamojkujka nemani, meruchi uékasïnga jarhuatani ka i ambe xarharasïndi na engachi uandontskuarhekujka. Ísï jimbo, sési eratsenta je ambe engajtsï arhiaka ka na engajtsï arhiaka. Asï ambe ma uanda je enga úpiringa no sési pʼikuastani kʼuiripuni.

5. Ú je ambe ma kʼuiripuni jimbo. Méntkisï engajtsï uaaka, jarhuata je kʼuiripuni. Engajtsï chá úska ambe ma kʼuiripuni jimbo, jamberi inde ambe uaati eska ima uékaaka uandontskuarheni chánksïni jingoni.