Kurhangukua je

Ambe enga úpka Jesúsi

BIDEU: Jesúsi pʼamojkuasïndi enga uánikua kʼuiripuechani exeajka

1. Exe je BIDEUNI o arhinta je Markusï 6:​30-34. Tátsekua exea je arini kurhamarhikuechani:

1. ¿Andisï Jesúsi uékeeni imeeri apostoliicha jingoni nirani jima “engaksï úpiringa imeechajku jarhani”?

2. ¿Andisï Jesúsi uékapi aianguani imani xáni uánikua kʼuiripuechani?

¿Ambejtsïni jorhendasïni Jesúsiiri ejemplu?

2. Engachi kurhangukuajka kʼuiripuechani, no soluchi uékasïnga aianguani ambakiti aianhperakuani, sino ístuchi uékasïnga jarhuataani.

Májkueni ú je eska Jesúsi

3. Jingontku kurhajcha je kʼuiripuni. Jurajku je eska kʼuiripu uandaaka ka jingontku kurhajcha je. Engaksïni kʼuiripu jirejiresï arhiska ambe ma o na enga pʼikuarherani jaka ka ambe enga uandanhiatani jaka, kurhajcha je. Enga chá jingontku kurhajchaska, kʼuiripu uaati exeni eskajtsï jukaparharasïnga ambe enga ima eratsejka.

4. Eratsi je imani kʼuiripuni. Miá je ambe engajtsï uandontskuarhekupkia ka kurhamarhikuarhi je:

1. “¿Andisï i kʼuiripu jatsi para míteni jurhimbikuani?”.

2. “Enga i kʼuiripu jorhenguarhiska Biblieri ambe, ¿néna jarhuataa iásï ka sánderu orhepatini?”.

5. Úra je imani informasionini enga jarhuataaka kʼuiripuni. Asï iónda je exerani kʼuiripuni na enga Biblia jarhuataaka míteni ambe enga xáni kurhamarhikuarhijka ka ístu eska jarhuataaka uánikua máteru ambe jimbo.