Tekaanta je

Ambe enga úpka Jesúsi

BIDEU: Jesúsi kánikua tekaantskua jingoni jarhuataspti imeeri ermanu jémbani

1. Exe je BIDEUNI o arhinta je Juanu 7:​3-5 ka 1 Korintu 15:​3, 4, 7. Tátsekua exea je arini kurhamarhikuechani:

1. ¿Ambeksï eratsesïreeni orheta Jesúsiiri ermanu jémbeecha?

2. ¿Nénachi míteski eska Jesúsi seguiriispka jarhuatani imeeri ermanu jémba Santiaguni?

¿Ambejtsïni jorhendasïni Jesúsiiri ejemplu?

2. Ménisïksï máru sánderu ióndasïndi jiókuarhini Tata Diosïiri ambe, jimbosï uétarhijti tekaantstiini.

Májkueni ú je eska Jesúsi

3. Jánguarhi je máteru ambe úni. Enga ueenakuarhu kʼuiripu ma no uékaaka jorhenguarhini Tata Diosïiri ambe, asï afuersa ú je eska jiókuarhiaka. Joperu enga uaaka ísï úkuarhini, exera je bideu ma o artikulu ma paraka exeaka néna enga úkuarhijka Biblieri jorhenguarhikua ma ka néna enga uaaka jarhuatani.

4. Asï nema jingoni terukutanta je. Nóksï iáminduecha májkueniisti. Enga familiari ma o nema no jiókuarhijka Biblieri jorhenguarhikua ma o no uékani jiókuarhini ambe enga Biblia jorhentpijka, kurhamarhikuarhi je: “¿Andisï no jiókuarhijki? ¿Jindee jimboka no úsïnga jurajkuni ambe enga ióntki jakajkuenga? ¿Jindee jimbokaksï imeeri familiariicha o besinuecha arhini jaka ambe ma?”. Tiempu íntsku je paraka eratsentaaka ambe engajtsï uandontskuarheka ka paraka jukaparharaaka ambe enga Biblia jorhentpijka.

5. Uandontskuarheku je Tata Diosï Jeobani ima kʼuiripueri. Kurhaku je Tata Diosïni paraksïni jarhuatani tsípikua jingoni aianhpini ka tekaantskua jingoni. Ka ístu kurhaku je eskaksïni jarhuataaka míteni káni nóteru pʼorhembinia nemani enga no tsitijka jurhimbikuani (1 Kor. 9:26).